ପୁଣେ(ଏଟିଆର ବ୍ୟୁରୋ): ଓଡିଆ ମ୍ୟୁଜିକ ଭିଡିଓକୁ ମିଳିଛି ଜାତୀୟ ସ୍ତରୀୟ ସଫଳତା । ଏକ ଜାତୀୟ ସ୍ତରର ଓଟିଟି ପ୍ଲାଟଫର୍ମରେ ପ୍ରିମିୟର ହୋଇଛି ଓଡିଆ ମ୍ୟୁଜିକ ଭିଡିଓ ବର୍ଷା ଭିଜା ରାତି । ତେବେ ଏହି ଭିଡିଓକୁ ନିର୍ଦ୍ଦେଶନା ଦେଇଛନ୍ତି ବିଶ୍ୱନାଥ ରଥ, ପ୍ରଯୋଜକ କରିଛନ୍ତି ଅନ୍ନପୂର୍ଣ୍ଣା ଦାସ, ଏଥିରେ କଣ୍ଠ ଦାନ କରିଛନ୍ତି ବଙ୍କିମ୍ ପଟେଲ ଓ ଅମ୍ରିତା ଭାରତୀ । ଏହି ଭିଡିଓଟି ବିଏନଆର ଫିଲ୍ମସ ଷ୍ଟିଡିଓରେ ପ୍ରସ୍ତୁତ କରାଯାଇଛି । ତେବେ ନିର୍ଦ୍ଦେଶକ ବିଶ୍ୱନାଥ ରଥ କହିଛନ୍ତି ଯେ, ଆମ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନେକଙ୍କ ପରି ଆମେ ମଧ୍ୟ ବିଶ୍ୱାସ କରୁ ଯେ ୟୁଟ୍ୟବ ଭ୍ୟୁ/ ଲାଇକ୍ / କମେଣ୍ଟସ୍ ଏକ ମ୍ୟୁଜିକ ଭିଡିଓର ସଫଳତାର ଏକମାତ୍ର ମାନଦଣ୍ଡ ହୋଇପାରିବ ନାହିଁ ।
ରିଲିଜ ହେବା ଦିନଠାରୁ ଆମେ ଏହି ମ୍ୟୁଜିକ୍ ଭିଡିଓକୁ ଜାତୀୟ / ବିଶ୍ୱ ସ୍ତରର ଦର୍ଶକଙ୍କ ନିକଟକୁ ନେବାକୁ ଇଚ୍ଛା କରୁଥିଲୁ । ସର୍ବଶେଷରେ ଏହା ହେଉଛି ନିକଟ ଅତୀତର ଏପରି ଏକ ବିରଳ ଓଡିଆ ଗୀତ ଯେଉଁଥିରେ ଏକ ଶୁଦ୍ଧ ଓଡିଆ ଲେଖା ଏବଂ ଏକ ଆତ୍ମା ସ୍ପର୍ଶୀ ସଂଗୀତ ରହିଛି । ଯାହା ଅନେକ ଦର୍ଶକଙ୍କ ଦ୍ୱାରା ପ୍ରଶଂସିତ ହୋଇଛି । ବିଶ୍ୱ ଚଳଚ୍ଚିତ୍ର ମହୋତ୍ସବ ପ୍ରିମିୟର ପରେ ଆଜି ଇଣ୍ଡଆ ଶର୍ଟସ୍ ପ୍ରିମିୟରର ଏହି ଖବର ସମଗ୍ର ଦଳ ପାଇଁ ଅନନ୍ଦଦାୟକ ମୁହୂର୍ତ୍ତ ଆଣିଛି ବୋଲି ନିର୍ଦ୍ଦେଶକ ବିଶ୍ୱନାଥ ରଥ କହିଛନ୍ତି ।
