ମୁମ୍ବାଇ(ଏଟିଆର ବ୍ୟୁରୋ): ବଲିଉଡର ଆନ୍ ବାନ୍ ଶାନ୍ ଭାଇଜାନ ସଲମାନ ଖାନଙ୍କ ଆଜି ୫୪ତମ ଜନ୍ମଦିନ । ବଲିଉଡରେ ଭାଇଜାନଙ୍କ ଅବଦାନ ଅବର୍ଣ୍ଣନୀୟ । କେବେ ନିୟୁ କମର୍ସ ମାନଙ୍କ ପାଇଁ ସେ ଗଡ ଫାଦର ସାଜିଛନ୍ତି ତ ପୁଣି କେବେ କ୍ୟାନସରରେ ପିଡୀତ ଛୋଟ ଛୋଟ ପିଲାମାନଙ୍କୁ ଚିକିତ୍ସା ପାଇଁ ସହାୟତା କରି ସେ ସେମାନଙ୍କ ଜୀବନ ବଞ୍ଚାଇଛନ୍ତି ।
ସଲମାନ ନିଜ କ୍ୟାରିୟର ଗୋଟିଏ ଟିଭି ବିଜ୍ଞାପନରୁ ଆରମ୍ଭ କରିଥିବା ବେଳେ ବର୍ତ୍ତମାନ ସୁଲତାନଙ୍କ ଫଳ୍ପ୍ ଫିଲ୍ମ ମଧ୍ୟ ୧୫୦ କୋଟିର ବ୍ୟବସାୟ କରୁଛି । ତେବେ ଭାଇଜାନଙ୍କୁ ପ୍ରଥମ ବ୍ରେକ ଫିଲ୍ମମେକର କୈଲାଶ ସୁରେନ୍ଦ୍ରନାଥ ଦେଇଥିଲେ ।
ଦବଙ୍ଗ ଖାନଙ୍କ କେବଳ ଭାରତରେ ନୁହେଁ ପୁରା ବିଶ୍ୱରେ ତାଙ୍କର ଅଗଣିତ ଫ୍ୟାନ୍ସ ଅଛନ୍ତି, ପୁରା ବିଶ୍ୱର ଝିଅମାନେ ଯାହାଙ୍କ ପାଇଁ ପାଗଳ ସେ କିନ୍ତୁ ଆଜି ପର୍ଯ୍ୟନ୍ତ ବିବାହ କରିନାହାନ୍ତି । ସେଥିପାଇଁ ତାଙ୍କୁ ମୋଷ୍ଟ ଇଲିଜିବଲ ବ୍ୟାଚଲର ର ଆଖ୍ୟା ମଧ୍ୟ ଦିଆଯାଇଛି ।
ନିଜ ୨୫ ବର୍ଷର ଫିଲ୍ମ କ୍ୟାରିୟର ଭିତରେ ଭାଇଜାନ ନିଜ ଦର୍ଶକ ମାନଙ୍କୁ ସବୁବେଳେ ନୂଆ ନୂଆ ଫିଲ୍ମ ଭେଟି ଦେଇ ମନୋରଞ୍ଜନ କରାଇ ଆସିଛନ୍ତି ଏଥି ସହିତ ସେ ଦୁଇଟି ରାଷ୍ଟ୍ରିୟ ଫିଲ୍ମ ପୁରଷ୍କାରର ଅଧିକାରୀ ମଧ୍ୟ ହୋଇଛନ୍ତି ।
ସଲମାନ ଖାନଙ୍କ ଜନ୍ମ ୨୭ଡିସେମ୍ବର ୧୯୬୫ରେ ହୋଇଥିଲା । ତେବେ ଭାଇଜାନଙ୍କ ପୁରା ନାଁ ଅବଦୁଲ ରସିଦ୍ ସଲିମ ସଲମାନ ଖାନ ।
