ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡ ଜଗତରେ ଶିଶୁ କଳାକାର ଭାବେ ନିଜ କ୍ୟାରିଅର ଆରମ୍ଭ କରିଥିବା ପ୍ରକୃତି ମିଶ୍ର ରୂପେଲି ପରିଦାକୁ ଫେରୁଥିବା ଜଣାପଡିଛି । ସେ ନୂଆ ଓଡିଆ ଫିଲ୍ମ ପଗ୍ଲୁ ଜରିଆରେ ପରଦାକୁ ଫେରିବାକୁ ଯାଉଛନ୍ତି । ଏହି ଫିଲ୍ମଟିକୁ ଜଗନ୍ନାଥ ପାଟଯୋଶୀ ମହାପାତ୍ର ପ୍ରଯୋଜନା କରୁଥିବା ବେଳେ ଏହାର ନିର୍ଦ୍ଦେଶନା ଭାର ରାମ ପ୍ରସାଦ ସାମଲ ସମ୍ଭାଳିଛନ୍ତି । ସେହିପରି ଫିଲ୍ମଟିର ସଂଙ୍ଗୀତ ନିର୍ଦ୍ଦେଶନା ମେଲୋଡି କିଙ୍ଗ ଅଭିଜିତ ମଜୁନଦାର ଦେଇଛନ୍ତି ।
ପଗ୍ଲୁ ଫିଲ୍ମରେ ପ୍ରକୃତିଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳୁଥିବା ବେଳେ ତାଙ୍କ ବିପକ୍ଷରେ ନାୟକ ସାଜିଛନ୍ତି ନବାଗତ ଅଭିନେତା ଅଭିଷେକ ବେଉରା । ଏହି ଫିଲ୍ମରେ ପ୍ରକୃତି ଜଣେ ମୁସଲିମ୍ ଝିଅର ଭୁମିକାରେ ନଜର ଆସିବାକୁ ଥିବାବେଳେ ତାଙ୍କ ଚରିତ୍ରର ନାଁ ଅନୀକ୍ଷା ରଖାଯାଇଛି । ପଗ୍ଲୁ ଫିଲ୍ମଟି ଏକ ପ୍ରେମ କାହାଣୀ ଉପରେ ଆଧାରିତ ଅଟେ । ଏହି ପିଲ୍ମରେ ପ୍ରକୃତିଙ୍କ ବ୍ୟତିତ ମିହିର ଦାସ, ଅପରାଜିତା, ଦୈତାରି ପଣ୍ଡା, ଓ ପପୁ ପମ୍ ପମ୍ କୁ ଦେଖିବାକୁ ମିଳିବ । କିଛି ଦିନ ତଳେ ଫିଲ୍ମଟିର ଅଡିଓ ରିଲିଜ ହୋଇଯାଇଛି । ପ୍ରକୃତି ଏହାପୂର୍ବରୁ ଅନେକ ଓଡିଆ ଫିଲ୍ମରେ ଅଭିନୟ କରିବା ସହିତ ହିନ୍ଦୀ ସିରିଏଲରେ ମଧ୍ୟ ତାଙ୍କୁ ଦେଖିବାକୁ ମିଳିଛି ।
