ନୂଆଦିଲ୍ଲୀ (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିବା ପାଇଁ ଦିଲ୍ଲୀ ଏୟାର ପୋର୍ଟରେ କଳାକାରମାନଙ୍କର ଭିଡ ଦେଖିବାକୁ ମିଳିଛି । ଏଥିରେ କରଣ ଜୋହର,ରଣବୀର କପୁର, ଆଲିଆ ଭଟ୍ଟ ଏବଂ ରୋହିତ ସେଟ୍ଟୀ ଭଳି କଳାକାରମାନେ ସ୍ପଟ ହୋଇଛନ୍ତି । ଏହି ସମସ୍ତ କଳାକାର ମିଶି ଭାରତୀୟ ସଂସ୍କୃତି ଉପରେ ସିନେମାର ପ୍ରଭାବ ବିଷୟରେ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବେ ।
ପୂର୍ବଥର ମିଟିଙ୍ଗରେ ପ୍ରଧାନମନ୍ତ୍ରୀଙ୍କ ସହ ସମସ୍ତ ପୁରୁଷ କଳାକାରମାନେ ସାମିଲ ଥିଲେ । କୌଣସି ମହିଳା କଳାକାର ନଥିବାରୁ ଯାହାକୁ ନେଇ ଖୁବ୍ ଆଲୋଚନା ଏବଂ ପର୍ଯ୍ୟାଲୋଚନା ହୋଇଥିଲା । ସେଥିପାଇଁ ଏଥରକ ମିଟିଙ୍ଗରେ ମହିଳା କଳାକାରମାନେ ସାମିଲ ହେଉଛନ୍ତି ।
ଭୂମି ପେଡନେକର ଏବଂ ଆଲିଆ ଭଟ୍ଟ ବି ଏଥିରେ ସାମିଲ ହେଉଛନ୍ତି । ନିକଟରେ ଫିଲ୍ମ ସିମ୍ବା ରେ ଫ୍ୟାନ୍ସକୁ ଦିୱାନା କରିଥିବା ରଣବୀର ସିଂ ବି ଏୟାର ପୋର୍ଟରେ ନଜର ଆସିଛନ୍ତି । ରିପୋର୍ଟ ମୁତାବକ, ଏହି ମିଟିଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମସ୍ତ ୟଙ୍ଗ କଳାକାରଙ୍କୁ ସାମିଲ ହେବାକୁ କହିଛନ୍ତି ।
