ମୁମ୍ବାଇ (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦଙ୍କି ସହ ବଲିଉଡ କଳାକାରମାନେ ନେଇଥିବା ଗତକାଲିର ସେଲଫି ଏବେ ସୋସିଆଲ ମିଡିଆରେ ଧୁମ୍ ମଚାଉଛି । ଫଟୋଟି ସୋସିଆଲ ମିଡିଆରେ ପୋଷ୍ଟ ହେବା ପରେ ବିଭିନ୍ନ ସ୍ତରରୁ କମେଣ୍ଟ ଆସିବା ଆରମ୍ଭ ହୋଇଯାଇଛିି । ଏଥିରେ କମେଣ୍ଟ ଦେବାରେ ବାଦ୍ ପଡି ନାହାନ୍ତି କେନ୍ଦ୍ରୀୟ ମନ୍ତ୍ରୀ ସ୍ମୃତି ଇରାନୀ । ଆଜ୍ଞା ହଁ ଟେଲିଭିଜନ୍ କୁଇନ୍ ଏକତା କପୁର ଏବଂ ପ୍ରଧାନମନ୍ତ୍ରୀ ମୋଦିଙ୍କୁ ଏକାଠି ଦେଖି କେନ୍ଦ୍ର ମନ୍ତ୍ରୀ ଏକ ଖାସ୍ ଟିପ୍ପଣୀ ଦେଇଛନ୍ତି । ସେ କହିଛନ୍ତି କି , ‘ମୋର ଦୁଇଜଣ ବସ ଏକା ସଙ୍ଗରେ…’ । ସ୍ମୃତିଙ୍କ ଏହି କମେଣ୍ଟର ଉତ୍ତରରେ ଏକତା କହିଛନ୍ତି କି, ‘କି ମାହୋଲ ଥିଲା… ଯାହା ସର୍ବଦା ତାଙ୍କ ଆଖପାଖରେ ରହୁଥିଲା… ତୁମେ ମୋ ବନ୍ଧୁ… ମୁଁ ତୁମ ବସ ନୁହେଁ’ ।
ସ୍ମୃତି ଇରାନୀ ରାଜନୀତିରେ ପାଦ ଦେବା ପୂର୍ବରୁ ଏକତା କପୁରଙ୍କ ସିରିୟଲ ‘କ୍ୟୁଙ୍କି ଶାଶ ଭି କଭି ବହୁ ଥି’ ରେ ଘରେ ଘରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ ।
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭେଟିବା ପାଇଁ ଗୁରୁବାର ମୁମ୍ବାଇରୁ ବଲିଉଡର ଏକ ପ୍ରତିନିଧି ଦଳ ନୂଆଦିଲ୍ଲୀରେ ପହଁଚିଥିଲା । ହିନ୍ଦୀ ସିନେମାର ଅନେକ ପ୍ରସଙ୍ଗକୁ ନେଇ ମୋଦି ଏବଂ କଳାକାରଙ୍କ ମଧ୍ୟରେ ଆଲୋଚନା ହୋଇଥିଲା । ମିଟିଙ୍ଗ ଶେଷରେ କଳାକାରମାନେ ପ୍ରଧାନନ୍ତ୍ରୀଙ୍କ ସହ ଏକ ସେଲଫି ଉଠାଇଥିଲେ ।
