ମୁମ୍ବାଇ (ଏଟିଆର ବ୍ୟୁରୋ): ବଲିଉଡର ଜଣାଶୁଣା ଅଭିନେତା ମାନଙ୍କ ମଧ୍ୟରୁ ସୁଶାନ୍ତ ସିଂ ରାଜପୁତ ହେଉଛନ୍ତି ଜଣେ । ସେ ତାଙ୍କ ଅଭିନୟରେ ଫ୍ୟାନ୍ସମାନଙ୍କୁ ଆକୃଷ୍ଟ କରିଥାନ୍ତି । ଏହାସହିତ ସୋସିଆଲ ମିଡିଆ ଜରିଆରେ ସେ ଫ୍ୟାନ୍ସଙ୍କ ସହ ମଧ୍ୟ ଯୋଡି ହୋଇଥାନ୍ତି । ଆଜି ସେ ତାଙ୍କ ଟ୍ୱିଟର ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ବେଶ୍ ଉତ୍ସାହ ଥିବା ଦେଖିବାକୁ ମିଳୁଛି ।
ଫଟୋ ସେୟାର କରି ସେ ଲେଖିଛନ୍ତି ଯେ, ‘ମୁଁ ନିଜର ଉତ୍ସାହକୁ ବିଲକୁଲ ସମ୍ଭାଳି ପାରିଲି ନାହିଁ ଏବଂ ଦାଦାଙ୍କ ସହ ଫଟୋ ଉଠାଇ ଏକ ଭଲ ଏକ୍ସପ୍ରେସନ ମଧ୍ୟ ଦେଇପାରିଲି ନାହିଁ, ସେଥିପାଇଁ ମୋତେ କ୍ଷମା କରିବେ । ସେ ବହୁତ ଭଲ ମଣିଷ’ । ଗାଙ୍ଗୁଲିଙ୍କ ସହ ଫଟୋ ଉଠାଇ ଖୁବ୍ ଉତ୍ସାହିତ ଥିବା ନଜର ଆସିଛନ୍ତି ସୁଶାନ୍ତ । ଅନ୍ୟପଟେ ପାରମ୍ପରିକ ପୋଷାକରେ ପୂର୍ବତମ କ୍ରିକେଟର ସୌରଭ ଗାଙ୍ଗୁଲି ଖୁବ୍ ଖୁସି ଥିବା ଦେଖିବାକୁ ମିଳିଛି ।
