ମୁମ୍ବାଇ(ଏଟିଆର ବ୍ୟୁରୋ): ସାଉଥ ଫିଲ୍ମରେ ନିଜର ଜଲୱା ଦେଖାଇବା ପରେ ଏବେ ବଲିଉଡରେ ଗୋଟିଏ ପରେ ଗୋଟିଏ ହିଟ ଫିଲ୍ମ କରୁଛନ୍ତି ତପସୀ ପନ୍ନୁ । ତେବେ ନିକଟରେ ତପସୀଙ୍କ ଅଭିନିତ ଫିଲ୍ମ ଥପ୍ପଡର ଟ୍ରେଲର ରିଲିଜ ହୋଇଛି । ଟ୍ରେଲରେ ତପସୀଙ୍କ ଏକ ଭଲ ଦାମ୍ପତ୍ୟ ଜୀବନ ବିତାଉଥିବା ଦେଖାଯାଇଛି । ହେଲେ ଅଚାନକ ତାଙ୍କ ସ୍ୱାମୀ ତପସୀଙ୍କୁ ଏକ ଚାପୁଡା ମାରୁ ଥିବାର ଦେଖିବାକୁ ମିଳିଛି । ଏହି ଚାପୁଡା ପାଇଁ କିଭଳି ତାଙ୍କ ସୁନ୍ଦର ଦାମ୍ପତ୍ୟ ଜୀବନ ନଷ୍ଟ ହୋଇଯାଉଛି ତାହା ଦେଖିବାକୁ ମିଳିଛି ।
ଏହି ଚାପୁଡା ପରେ ତପସୀ ଛାଡପତ୍ର ନେବାକୁ ଚାହୁଁଛନ୍ତି । ଯାହାକି ତାଙ୍କୁ ସହଜରେ ମିଳି ପାରୁନାହିଁ । ଏହି ଟ୍ରେଲରକୁ ଦର୍ଶକ ମାନେ ଖୁବ ପସନ୍ଦ କରିଛନ୍ତି । ଏହି ଫିଲ୍ମରେ ତାପସୀଙ୍କ ସମେତ ପଭେଲ ଗୁଲାଠି, ରତ୍ନା ପାଠକ ଶାହା, ତାନଭି ଆଜମି, ଦିଆ ମିର୍ଜା, ରାମ କପୁର, କୁମୁଦ ମିଶ୍ର, ମନବ କଲ, ଗ୍ରାସି ଗୋସ୍ୱାମୀ ପ୍ରମୁଖ ନଜର ଆସିବେ । ଏହି ଫିଲ୍ମକୁ ଅନୁଭବ ଶିହ୍ନା ନିର୍ଦ୍ଦେଶନା ଦେଇଛନ୍ତି । ସେହିଭଳି ଭୁଷଣ କୁମାର ଓ କିଷନ କୁମାର ପ୍ରଜୋଯନା ଦେଇଛନ୍ତି । ଏହି ଫିଲ୍ମଟିକୁ ଚଳିତ ମାସ ୨୮ ତାରିଖରେ ବଡ ପରଦାରେ ଦେଖିବାକୁ ମିଳିବ ।
