ମୁମ୍ବାଇ(ଏଟିଆର ବ୍ୟୁରୋ): ବହୁ ଦିନର ଗ୍ୟାପ ପରେ ଏବେ ବଡ ପରଦାକୁ ଫେରିଛନ୍ତି ଜୁନିଅର ବଚନ୍ ବା ଅଭିଷେକ ବଚନ୍ । ଅଭିଷେକ ବଚନ୍ ଙ୍କ ନୂଆ ଫିଲ୍ମ ‘ଦ ବିଗ୍ ବୁଲ’ ଜରିଆରେ ଅଭିଷେକ ବଲିଉଡରେ କମବ୍ୟାକ କରୁଛନ୍ତି ।
ଏହି ଫିଲ୍ମକୁ ନେଇ ଅଭିଷେକଙ୍କ ଫ୍ୟାନ୍ସ ମାନଙ୍କ ମଧ୍ୟରେ ବହୁ ଉତ୍ସାହ ଦେଖିବାକୁ ମିଳିଛି । ବହୁ ଅପେକ୍ଷା ପରେ ଆଜି ଫିଲ୍ମର ପୋଷ୍ଟର ରିଳିଜ୍ ହୋଇଛି । ଆଉ ଏହି ପୋଷ୍ଟରକୁ ନିଜେ ଜୁନିଅର ବଚନ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।
#TheBigBull releases on 23rd October!! Stay Tuned@Ileana_Official @s0humshah @nikifyinglife @anandpandit63 @kookievgulati @KumarMangat @ajaydevgn @ADFFilms @Meena_Iyer @vicky1980 #TheBigBullOn23rdOctober pic.twitter.com/tLhwJDL05i
— Abhishek Bachchan (@juniorbachchan) February 13, 2020
ଏହି ପୋଷ୍ଟରଟିରେ ଅଭିଷେକ ପୁରାପୁରି ଭାବେ ଏକ ନିଆରା ଅନ୍ଦାଜ ଦେଖିବାକୁ ମିଳିଛନ୍ତି । ଅଭିଷେକଙ୍କ ଲୁକ୍ କୁ ନେଇ ଏବେଠାରୁ ପ୍ରସଂଶକମାନଙ୍କର ପ୍ରତିକ୍ରିୟା ମିଳିଲାଣି ।
ଏହି ଫିଲ୍ମରେ ଅଭିଷେକ ବଚନଙ୍କ ସହିତ ମୁଖ୍ୟ ଭୂମିକାରେ ଇଲିଆନା ଡିକ୍ରୁଜ ଓ ଅର୍ଜୁନ ରାମ ପାଲ ମଧ୍ୟ ନଜର ଆସିବେ । ତେବେ ଏହି ଫିଲ୍ମଟି ଆସନ୍ତା ଅକ୍ଟୋବର ୨୩ ତାରିଖରେ ରିଲିଜ୍ ହେବାକୁ ଯାଉଛି ।
