ମୁମ୍ବାଇ(ଏଟିଆର ବ୍ୟୁରୋ): କରନ ଜୋହରଙ୍କ ଧର୍ମା ପ୍ରଡକସନ ବ୍ୟାନରରେ ନିର୍ମିତ ଫିଲ୍ମ ‘ଭୂତ୍’ର ଆଜି ଟ୍ରେଲର ରିଲିଜ ହୋଇଛି । ୨୦୧୧ରେ ମୁମ୍ବାଇର ସମୁଦ୍ରରେ ରହସ୍ୟ ଜନକ ଭାବରେ ଏକ ପାଣି ଜାହାଜ ବୁଡି ଯାଇଥିଲା । ଏହି ଘଟଣାକୁ କେନ୍ଦ୍ର କରି ଫିଲ୍ମ ‘ଭୂତ୍’ ଦ ହଣ୍ଟେଡ ସିପ ତିଆରି ହୋଇଛି ।
ପୁର୍ବରୁ ଭୂତ୍ ଟାଇଟେଲରେ ଆଗରୁ ଏକ ଫିଲ୍ମ ହୋଇସାରିଛି । ସେହି ଫିଲ୍ମରେ ଅଜୟ ଦେବଗନଙ୍କ ସହିତ ଉର୍ମିଲା ମାତେଣ୍ଡକର ଅଭିନୟ କରିଥିଲେ । କିନ୍ତୁ ଭୂତ୍ ଦ ହଣ୍ଟେଡ ସିପ୍ ରେ ବଲିଉଡର ନାମିଦାମୀ ଅଭିନେତା ଭିକି କୌଶଲ ମୁଖ୍ୟ ଭୂମିକାରେ ଅଭିନୟ କରୁଛନ୍ତି ।
ଫିଲ୍ମଟି ଭାନୁ ପ୍ରତାପ ସିଂଙ୍କ ନିର୍ଦ୍ଦେଶନାରେ ବଡ ପରଦାକୁ ଆସିବାକୁ ଯାଉଛି । ତେବେ ଏହି ଫିଲ୍ମଟି ଆସନ୍ତା ଫେବୃଆରୀ ୨୧ରେ ରିଲିଜ ହେବାକୁ ଯାଉଛି । ଫିଲ୍ମଟିକୁ ନେଇ ସିନେପ୍ରେମୀଙ୍କ ମଧ୍ୟରେ ବହୁତ ଉତ୍ସାହ ଦେଖିବାକୁ ମିଳିଛି । ଏଥି ସହିତ ଭିକି କୌଶଲଙ୍କ ଫ୍ୟାନ୍ସ ମାନେ ମଧ୍ୟ ବହୁ ଉତ୍ସାହର ସହିତ ଫିଲ୍ମଟିକୁ ଅପେକ୍ଷା କରିଛନ୍ତି ।
