ମୁମ୍ବାଇ(ଏଟିଆର ବ୍ୟୁରୋ): ୨୦୧୪ ମସିହାରେ ପରଦାକୁ ଆସିଥିବା ସିଦ୍ଧାର୍ଥ ମଲହୋତ୍ରା ଏବଂ ଶ୍ରଦ୍ଧା କପୁରଙ୍କ ସସପେନସ ମୁଭି “ଏକ ଭିଲେନ’ ଯାହା ମାର୍କେଟ ସରଗରମ କରିଥିଲା । ଆଜି ପର୍ଯ୍ୟନ୍ତ ବି ସିନେମାଟି ଦର୍ଶକଙ୍କ ପସନ୍ଦ ହୋଇ ରହିଛି । ତେବେ ଖୁବ ଶୀଘ୍ର ଆସିବାକୁ ଯାଉଛି “ଏକ ଭିଲେନ ୨” । ଏହି ଟାଇଟଲଟି ପଢି ସାରିବା ପରେ ଆପଣ ନିହାତି ଭାବୁଥିବେ ସିନେମାଟି ‘ଏକ ଭିଲେନର” ସିକ୍ୱେଲ ହୋଇଥିବ ନିଶ୍ଚୟ । ମାତ୍ର ତାହା ନୁହେଁ ପୁରା ନୂଆ କାହାଣୀ ସହିତ ଆସୁଛି ‘ଏକ ଭିଲେନ ୨’ ।
ଏହି ସିନେମାଟିକୁ ନିର୍ଦ୍ଦେଶନା ଦେଉଛନ୍ତି ମୋହିତ ସୁରୀ । ସିନେମାଟି ସମ୍ପୂର୍ଣ୍ଣ ନୂଆ କାହାଣୀକୁ ନେଇ ଆସୁଛି ବୋଲି ସେ ଗଣମାଧ୍ୟମକୁ ସୂଚନା ଦେଇଛନ୍ତି ନିର୍ଦେଶକ । ଆପଣଙ୍କର ନିଶ୍ଚୟ ମନେଥିବ “ଏକ ଭିଲେନ’ରେ ଲିଡ ରୋଲରେ ନଜର ଆସିଥିଲେ ଚୁଲବୁଲି ଶ୍ରଦ୍ଧା,ସିଦ୍ଧାର୍ଥ ମଲହୋତ୍ରା ଏବଂ ରିତେଶ ଦେଶମୁଖ । ମାତ୍ର ‘ଏକ ଭିଲେନ ୨’ ରେ କାଷ୍ଟିଙ୍ଗରେ ପରିବର୍ତ୍ତନ କରାଯାଇଛି । ଏଥିରେ ମୁଖ୍ୟ ଭୂମିକାରେ ଜନ ଆବ୍ରାହମ ଓ ଆଦତ୍ୟ ରୟ କପୁର ଅଭିନୟ କରିବେ । ସେହିଭଳି ନାୟିକା ଭାବେ କାହାକୁ ନିଆଯିବ ସେ ନେଇ ଏଯାବତ କୌଣସି ସ୍ପଷ୍ଟ ସୂଚନା ଦେଇନାହିଁ ପ୍ରଡକ୍ସନ ହାଉସ । ଏଇ ନିକଟରେ ସିନେମାର ସୁଟିଙ୍ଗ ଆରମ୍ଭ ହେବ ବୋଲି ଜଣା ପଡିଛି ।
