ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ଡେଙ୍ଗୁ ବଢୁଥିବା ବେଳେ ରାଜଧାନୀ ଭୁବନେଶ୍ୱରରେ କାୟା ମେଲାଇବାରେ ଲାଗିଛି । ଭୁବନେଶ୍ୱର ପାଲଟିଛି ଡେଙ୍ଗୁ ହଟସ୍ପଟ୍ । କ୍ୟାପିଟାଲ ହସ୍ପିଟାଲରେ ବଢୁଛି ଡେଙ୍ଗୁ ରୋଗୀଙ୍କ ସଂଖ୍ୟା । ସେପ୍ଟମ୍ବର ଆରମ୍ଭରୁ ୯ ଦିନ ମଧ୍ୟରେ ୧୦୦୦ ଡେଙ୍ଗୁ ରୋଗୀ ଚିହ୍ନଟ ହେଲେଣୀ । ଦୈନଦିନ ୫୦୦ ସାମ୍ପଲ ଟେଷ୍ଟ ହେଉଥିବା ବେଳେ ସେଥିରୁ ୧୨୦ ଜଣ ପଜିଟିଭ ଚିହ୍ନଟ ହେଉଛନ୍ତି । ୪୦ ଟି ଅଞ୍ଚଳ ରେଡ୍ ଜୋନ୍ ପାଲଟିଛି ।
ଖୁବ୍ ଶୀଘ୍ର ଡେଙ୍ଗୁ ରୋଗୀଙ୍କ ସଂଖ୍ୟା ୪ ହଜାର ଛୁଇଁବାକୁ ବସିଲାଣି । ସେପଟେ ସେପ୍ଟମ୍ବର ମାସରେ ଡେଙ୍ଗୁ ରୋଗୀଙ୍କ ସଂଖ୍ୟା ଶିଖର ଛୁଇଁବ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଆକଳନ କରିଛନ୍ତି ।
