ନୂଆଦିଲ୍ଲୀ (ଏଟିଆର ବ୍ୟୁରୋ): ଦେଶରେ କରୋନାର ଦ୍ୱିତୀୟ ଲହର ସଂକ୍ରମଣ ମଧ୍ୟରେ ଏକ ଭଲ ଖବର ସାମ୍ନାକୁ ଆସିଛି । ଇଣ୍ଡିଆନ କାଉଁସିଲ ଅଫ୍ ମେଡିକାଲ ରିସର୍ଚ୍ଚ (ଆଇସିଏମଆର) ତାର ଏକ ଗବେଷଣାରେ ଜାଣିବାକୁ ପାଇଛି କି, ଭାରତରେ ତିଆରି ହୋଇଥିବା ପ୍ରଥମ ସ୍ୱଦେଶୀ କରୋନା ଟୀକା କୋଭାକ୍ସିନ , କରୋନା ଭାଇରସର ବିଭିନ୍ନ ଭ୍ୟାରିଏଣ୍ଟ ବିରୋଧରେ ପ୍ରଭାବଶାଳୀ ।
ଭାରତ ବାୟୋଟେକ ଦ୍ୱାରା ଏହି କୋଭାକ୍ସିନ ଟିକା ପ୍ରସ୍ତୂତ କରାଯାଇଛି । ଦେଶରେ, ମେ ୧ ରୁ, ୧୮ ବର୍ଷରୁ ଅଧିକ ବୟସର ସମସ୍ତ ଲୋକଙ୍କୁ ଏହି ଟିକା ପ୍ରୟୋଗ କରିବାକୁ ଅନୁମୋଦନ କରାଯାଇଛି। ଏଭଳି ପରିସ୍ଥିତିରେ ଦେଶରେ ଟୀକାକରଣ କାର୍ୟ୍ୟକ୍ରମର ସମ୍ପ୍ରସାରଣ ପୂର୍ବରୁ ଆସିଥିବା ଏହି ଅନୁସନ୍ଧାନ ଆଶାକୁ ଅଧିକ ବଢାଇ ଦେଇଛି ।
କରୋନାର ନୂତନ ଭ୍ୟାରିଏଣ୍ଟ ଅର୍ଥାତ ଡବଲ ମ୍ୟୁଟେଣ୍ଟ ର ଶୁଭାରମ୍ଭ ସ୍ତର ଭାରତରେ ଦୁଇଟି ପରିବର୍ତ୍ତନ ସହିତ ଚିହ୍ନଟ ହୋଇଥିଲା । ଗତବର୍ଷ ଭାରତରେ ଜଣେ ବୈଜ୍ଞାନିକଙ୍କ ଦ୍ୱାରା ରିପୋର୍ଟ କରାଯାଇଥିଲା ଏବଂ ନିକଟରେ ବିଶ୍ୱ ସ୍ୱାସ୍ଥ୍ୟ ସଂଗଠନକୁ ଅଧିକ ସୂଚନା ଉପସ୍ଥାପିତ କରାଯାଇଥିଲା ।ଗତ ମାସରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପ୍ରଥମ ଥର ପାଇଁ ଡବଲ ମ୍ୟୁଟାଣ୍ଟର ଉପସ୍ଥିତି ସ୍ୱୀକାର କରିଥିଲା। ସେବେଠାରୁ ଅଷ୍ଟ୍ରେଲିଆ, ଜର୍ମାନୀ, ବ୍ରିଟେନ ଏବଂ ଆମେରିକା ସମେତ ୧୦ ଟି ଦେଶରେ ଡବଲ୍ ମ୍ୟୁଟେସନ୍ ଦେଖିବାକୁ ମିଳିଥିଲା ।
