ଭୁବନେଶ୍ୱର (ଏଟିଆର ବ୍ୟୁରୋ):ରାଜ୍ୟରେ କରୋନାର ସ୍ଥିତି ଅସମ୍ଭାଳ ଥିବା ବେଳେ ଏହାକୁ ନେଇ ରାଜ୍ୟ ସରକାର ସଚେତନ ରହିବା ପାଇଁ ବିଭିନ୍ନ ପ୍ରାକାର ଗାଇଡ ଲାଇନ ଜାରି କରୁଛନ୍ତି । ସେଥିପାଇଁ ୨୪ ଘଣ୍ଟା ମଧ୍ୟରେ ରାଜ୍ୟ ରେ ପ୍ରାୟ ୫୭,୮୭୭ଟି କରୋନା ନମୁନା ପରୀକ୍ଷା କରାହୋଇଥିବାର ସୂଚନା ମିଳିଛି । ଏହି ନମୁନା ପରୀକ୍ଷା ଆରଟିପିସିଆର୍, ଆଣ୍ଟିଜେନ୍ ଓ ଟ୍ରୁନଟ୍ ପଦ୍ଧତିରେ କରାଯାଇଥିବା ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି। ଏଥିମଧ୍ୟରୁ ୫୧,୭୦୭ଟି ଆଣ୍ଟିଜେନ, ୫୯୯୪ଟି ଆରଟିପିସିଆର ଓ ୧୭୬ଟି ଟ୍ରୁନଟ୍ ନମୁନା ପରୀକ୍ଷା ହୋଇଛି । ସୂତ୍ର ଅନୁସାରେ ଗତ ୨୪ଘଣ୍ଟାରେ ଗଞ୍ଜାମ ଜିଲ୍ଲାରେ ସର୍ବାଧିକ ୧୧ହଜାର ୬୦୭, କେନ୍ଦୁଝର ଜିଲ୍ଲାରେ ସର୍ବାଧିକ ୧୦,୧୪୪ ଓ ମୟୂରଭଞ୍ଜ ଜିଲ୍ଲାରେ ତୃତୀୟ ସର୍ବାଧିକ ୭,୫୪୫ଟି କରୋନା ନମୁନା ପରୀକ୍ଷା କରାଯାଇଛି। ଏହାଛଡ଼ା କେନ୍ଦ୍ରାପଡ଼ା ଜିଲ୍ଲାରେ ୭୪୪୬ ଓ ସୁନ୍ଦରଗଡ଼ ଜିଲ୍ଲାରେ ୨୨୬୪ଟି ନମୁନା ପରୀକ୍ଷା ହୋଇଛି । ଏହି ଜିଲ୍ଲା ଗୁଡିକରେ ଅଧିକ ପଜିଟିଭ କେସ ଆସୁଥନିବାରୁ ଏହିପରି ପଦେକ୍ଷପ ନିଆହୋଇଛି । ଆଗ ଅପେକ୍ଷା ବର୍ତ୍ତମାନ କରୋନା କରୋନା ପରୀକ୍ଷା ହାରକୁ ବଢାଇ ଦିଆଯାଇଛି । ରାଜ୍ୟରେ ଅତି ଶିଘ୍ର କରୋନା ସଂକ୍ରମଣକୁ କମ କରିବା ପାଇଁ ରାଜ୍ୟ ସରକାର ଏହିପରି ପଦେକ୍ଷପ ନେଇଛନ୍ତି ।
