ଦୁବାଇ( ଏଟିଆର ବ୍ୟୁରୋ): ଗତକାଲି ସଂନ୍ଧ୍ୟାରେ ଦୁବାଇର ପବିତ୍ର ମକ୍କାନଗରୀରେ ଏକ ବସ ଦୁର୍ଘଟଣାରେ ୩୫ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇଛନ୍ତି । ଗତକାଲି ସଂନ୍ଧ୍ୟା ପାଖାପାଖି ସାଢେ ୭ ଟାରେ ଏହି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ମୃତକ ମାନେ ତୀର୍ଥରେ ଯାଉଥିବା ବେଳେ ଦୁର୍ଘଟଣା ହୋଇଛି । ଦୁର୍ଘଟଣା ଘଟିଛି ମକ୍କା ମଦିନାକୁ ସଂଯୋଗ କରୁଥିବା ମଝି ରାସ୍ତାରେ ।
ସୂଚନା ଅନୁସାରେ ଯାତ୍ରୀବାହୀ ବସଟି ପ୍ରଥମେ ଏକ ବଡ଼ ଗାଡ଼ିକୁ ଧକ୍କା ଦେଇଥିଲା। ପରେ ଗୋଟାଏ ପରେ ଗୋଟାଏ ଗାଡିକୁ ଧକ୍କା ଦେଇଥିଲା । ପ୍ରାଥମିକ ତଦନ୍ତରୁ ଏହି ବସରେ ଏସୀୟ ଓ ଆରବୀ ନାଗରିକ ରହିଥିବା ଜଣାପଡିଛି । ତେବେ ମୃତକଙ୍କ ମଧ୍ୟରେ କୌଣସି ଭାରତୀୟ ଅଛନ୍ତି କି ନାହିଁ ତାହା ଜଣା ପଡିନାହିଁ । ବସଟି ରିଜର୍ଭରେ ଯାଇଥିବା ସୂଚନା ମିଳିଛି ।
