କାଠମାଣ୍ଡୁ ( ଏଟିଆର ବ୍ୟୁରୋ): ୫୦୦ ମିଟର ତଳକୁ ଖସିଲା ବସ । ୧୩ ମୃତ୍ୟୁ ୧୮ ଆହତ । ଏମିତି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି କାଠମାଣ୍ଡୁରେ । ସୂଚନା ଅନୁସାରେ ତୀର୍ଥଯାତ୍ରୀଙ୍କୁ ନେଇ ଯାଉଥିବା ଏକ ବସ ଭାରସ୍ୟାମ ହରାଇ ୫୦୦ ମିଟର ତଳକୁ ଖସି ଯାଇଥିଲା । ନେପାଳର ସିନ୍ଧୁପଲଚୋକ ଜିଲ୍ଲାରେ ଏହି ଦୁର୍ଘଟଣା ହୋଇଛି ।
ମୃତକଙ୍କ ମଧ୍ୟରେ ୮ ଜଣ ପୁରୁଷ ରହିଥିବା ବେଳେ ୩ ଜଣ ମହିଳା ରହିଛନ୍ତି । ଜଣେ ପୁଅ ଓ ଝିଅ ରହିଛନ୍ତି । ସେମାନେ କଲିନଚୌକରେ ଥିବା ଭଗବତୀ ମନ୍ଦିର ଦର୍ଶନ କରି ଫେରୁଥିବା ବେଳେ ଏହି ଦୁର୍ଘଟଣା ଘଟିଛି । ବସଟି ୫୦୦ ଫୁଟ ପାହାଡ ତଳକୁ ଖସି ଯାଇଛି । ପାହାଡ ଚଢିବା ବେଳେ ୟୁ ଟର୍ଣ୍ଣ ରାସ୍ତା ଥିବାରୁ ବସଟି ଭାରସ୍ୟାମ ହରାଇ ତଳକୁ ଖସି ଯାଇଥିଲା । ଘଟଣା ସ୍ଥଳରେ ସ୍ଥାନୀୟ ଲୋକଙ୍କ ସହଯୋଗରେ ପୋଲିସ ଉଦ୍ଧାର କାର୍ଯ୍ୟ ଜାରି ରହିଛି ।
