ନୂଆଦିଲ୍ଲୀ ( ଏଟିଆର ବ୍ୟୁରୋ): ଆମେରିକାରେ କରୋନା କମିବାର ନାଁ ଧରୁନି । ପ୍ରତ୍ୟକ ଦିନ ଆମେରିକାରେ ଶତାଧିକ ଲୋକଙ୍କର ଜୀବନ ନେଉଛି ଏହି ମହାମାରୀ ସବୁଠାରୁ ବଡ ଦୁଃଖଦ କଥା ହେଲା ଆମେରିକାରେ ଏହି ଗତ ୨୪ ଘଣ୍ଟା ମଧ୍ୟରେ ୨୧ ଶହ ଲୋକଙ୍କ ଜୀବନ ନେଇଛି କରୋନା । ଆମେରିକାରେ ଏବେ କରୋନା ଜନିତ ମୃତ୍ୟୁ ସଂଖ୍ୟା ୨୦ ହଜାର ଅତିକ୍ରମ କରି ଯାଇଛି । ସେହିଭଳି ଆକ୍ରାନ୍ତଙ୍କ ସଂଖ୍ୟା ହେଉଛି ୫ ଲକ୍ଷ ୩୨ ହଜାର ୮୭୯ । ଯଦି ସାରା ବିଶ୍ୱ କଥା ଦେଖିବା ବିଶ୍ୱରେ କରୋନା ଭାଇରସରେ ୧୭ ଲକ୍ଷ ୭୯ ହଜାର ୯୯ ଜଣ ଲୋକ ଆକ୍ରାନ୍ତ ହୋଇଛନ୍ତି ।
ଏଥିରୁ ୧ ଲକ୍ଷ ୮ ହଜାର ୭୭୦ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଲକ୍ଷ ୨ ହଜାର ୭୦୯ ଜଣ ଭଲ ହୋଇଛନ୍ତି । ଇଟାଲିରେ ମଧ୍ୟ କରୋନା କାବୁକୁ ଆସୁନି । ମୃତ୍ୟୁ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଇଟାଲୀରେ କରୋନା ଯୋଗୁଁ ମୃତ୍ୟୁ ସଂଖ୍ୟା ୧୯,୪୬୮କୁ ବୃଦ୍ଧି ପାଇଛି ।
