ନୂଆଦିଲ୍ଲୀ ( ଏଟିଆର ବ୍ୟୁରୋ) : ଚୀନରେ ଏବେ କରୋନା ଭାଇରସ ତାର କାୟା ବିସ୍ତାର କରି ଚାଲିଛି । ପ୍ରତିଦିନ ଚୀନରେ ଏହି ଭାଇରସ ରୋଗୀଙ୍କ ମୃତ ସଂଖ୍ୟା ବଢିବାରେ ଲାଗିଛି । ଚୀନର ସୂଚନା ଅନୁସାରେ ଏବେ ମୃତସଂଖ୍ୟା ୩୦୪ ଟପିଲାଣି । ସବୁଠାରୁ ବଡ କଥା ହେଲା ଏବେ କରୋନା ରୋଗୀଙ୍କ ମ୍ୟୃତ ଦେହ ଚୀନର ଉହାନ ସହରର ରାଜ ରାସ୍ତାରୁ ମିଳିଲାଣି । ଏମିତି କି ଲୋକେ ଏବେ ହଠାତ ଚଲାବୁଲା କରୁଥିବା ବେଳେ ପଡି ମୃତ୍ୟୁ ବରଣ କରୁଛନ୍ତି
ଏହାର କିଛି ଭିଡିଓ ଓ ଫଟୋ ଏବେ ଶୋସାଲ ମିଡିଆରେ ଘୂରି ବୁଲୁଛି । ଅନ୍ୟପଟେ ଚୀନରେ ଏହି ମହାମାରୀକୁ ଦୃଷ୍ଟିରେ ରଖି ଚୀନରେ ବିବାହ ଓ ଭୋଜି ଭଳି କାର୍ଯ୍ୟକୁ କିଛିଦିନ ପାଇଁ ବନ୍ଦ ରଖିବାକୁ ନିର୍ଦେଶ ଦେିଆଯାଇଛି । ଏମିତିକି ବିବାହ ପାଇଁ କରାଯାଉଥିବା ରେଜିଷ୍ଟ୍ରସନକୁ ମଧ୍ୟ ଏବେ ବନ୍ଦ କରି ଦିଆଯାଇଛି ।
