ନୂଆଦିଲ୍ଲୀ(ଏଟିଆର ବ୍ୟୁରୋ): ଲାଗି ରହିଛି ଭାରତ ଓ ଚୀନ ମଧ୍ୟରେ ସୀମା ବିବାଦ । କିନ୍ତୁ ଏହା ମଧ୍ୟରେ ମଣିଷ ପଣିଆ ଭୁଲି ନାହାନ୍ତି ଭେରତୀୟ ସେନା । ଉତ୍ତର ସିକ୍କିମରେ ଚୀନ ନାଗରିକଙ୍କୁ ଅସୁବିଧାରେ ଦେଖି ସହାୟତାର ହାତ ବଢ଼ାଇଛନ୍ତି ଭାରତୀୟ ସେନା । ଜଣେ ମହିଳାଙ୍କ ସମେତ ମୋଟ ୩ ଚୀନ ନାଗରିକ ଉତ୍ତର ସିକ୍କିମରେ ‘ଜିରୋ ଡିଗ୍ରି’ ତାପମାତ୍ରା ପାଇଁ ଫସି ରହିଥିଲେ । ସେମାନେ ପାଖାପାଖି ୧୭,୫୦୦ ଫୁଟ ଉଚ୍ଚରେ ଉତ୍ତର ସିକ୍କିମ୍ର ପଠାର କ୍ଷେତ୍ରରେ ୩ ଚୀନ ନାଗରିକ ରାସ୍ତା ଭୁଲି ଯାଇଥିଲେ। ଠିକ୍ ସେତେବେଳେ ଦେବଦୂତ ସାଜି ସହାୟତାର ହାତ ବଢ଼ାଇଥିଲେ ଭାରତୀୟ ଯବାନ। ଶତ୍ରୁ ଦେଶର ନାଗରିକ ବୋଲି ଜାଣିବା ପରେ ମଧ୍ୟ ଭାରତୀୟ ସେନା ତୁରନ୍ତ ସାହାଯ୍ୟ କରିବାକୁ ଆଗେଇ ଯାଇଥିଲା । ଜିରୋ ଡିଗ୍ରି ତାପାମତ୍ରାଠୁ କମ୍ ତାପମାତ୍ରା ଥିବା ଏହି ସ୍ଥାନରେ ଚୀନର ଜଣେ ମହିଳାଙ୍କ ସମେତ ଦୁଇ ପୁରୁଷ ନାଗରିକଙ୍କ ଜୀବନ ବଞ୍ଚାଇ ଥିଲା ଭାରତୀୟ ସେନା। ଏହା ସହିତ ଚୀନକୁ ଫେରିବା ପାଇଁ ସଠିକ ରାସ୍ତା ମଧ୍ୟ ଦେଖାଇ ଥିଲେ । ଭାରତୀୟ ସେନାର ଏପରି ସହାୟତା ପାଇଁ ଚୀନ ନାଗରିକ ତାଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ ।
