ନୂଆଦିଲ୍ଳୀ (ଏଟିଆର ବ୍ୟୁରୋ): ଆମେରିକା ଓ ଇରାନ ମଧ୍ୟରେ ଲାଗି ରହିଥିବା ବିବାଦ ଦିନକୁ ଦିନ ଘନେଇବାର ଲାଗିଛି । ଆମେରିକା ଶାନ୍ତି ଚାହୁଁଥିବା ଘୋଷଣା କରି ସାରିଥିବା ବେଳେ ଆକ୍ରମଣରୁ କିନ୍ତୁ ଓହରୁ ନାହିଁ ଇରାନ । ଇରାନ ପୁଣି ଆମେରିକାର ଏୟାରବେସ ଉପରକୁ ରକେଟ ମାଡ କରିଛି । ଗତକାଲି ଆମେରିକା ଏୟାରବେସ ଉପରେ ରକେଟ ମାଡ ହୋଇଥିବା ସୂଚନା ମିଳିଛି । ସୂଚନାଯୋଗ୍ୟ ଗତ ବାଗଦାଦ ର ଉତ୍ତରରେ ଆମେରିକା ସେନା କ୍ୟାମ୍ପ ଉପରେ ୪ ଟି ଟକେଟ୍ ମାଡ ହୋଇଥିଲା ।
କମାଣ୍ଡର ସୁଲେମାନୀଙ୍କ ମୃତ୍ୟୁ ପରେ ଇରାନ ପ୍ରତିଶୋଧ ନେବା ପାଇଁ ଇରାକ ସ୍ଥିତ ଆମେରିକା ସେନା କ୍ୟାମ୍ପ ଉପରେ ମିସାଇଲ ମାଡ କରିଥିଲା । ଏହାସହିତ ଦାବି ଇରାନ ଦାବି କରିଥିଲା କି ଏହି ହମଲାରେ ୮୦ ରୁ ଅଧିକ ଆମେରିକା ସେନାଙ୍କ ମୃତ୍ୟୁ ହୋଇଛି । ଆମେରିକା ଡ୍ରୋନ ମାଡ କରି ଇରାକ ଜେନେରାଲ କାଶିମ ସୁଲେମାନି ଏବଂ ଇରାକର କମାଣ୍ଡର ଅବୁ ମହଦି ଅଲ ମୁହାନ୍ଦିସକୁ ହତ୍ୟା କରିଥିଲା ।
