ଜାମ୍ମୁକାଶ୍ମୀର ( ଏଟିଆର ବ୍ୟୁରୋ): ଭାରତ ଜାମ୍ମୁକାଶ୍ମୀରରୁ ୩୭୦ ଉଚ୍ଛେଦ କରିବା ପାକିସ୍ତାନ ଭାରତ ଉପରେ ଆକ୍ରମଣ କରିବା ପାଇଁ ଏକ ପ୍ରକାର ସୂଚନା ଦେଇ ସାରିଲାଣି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଏନେଇ ଭାରତକୁ କଡା ଚେତାବନୀ ମଧ୍ୟ ଦେଇଛନ୍ତି । ବିଶେଷ ସୂତ୍ରର ଖବର ଅନୁସାରେ ଭାରତ ଉପରେ ପ୍ରତିଶୋଧ ନବା ପାଇଁ ପାକିସ୍ତାନ ସେନା ପ୍ରକ୍ରିୟା ଆରମ୍ଭ କରି ଦେଇଛି । ମଙ୍ଗଳବାର ରାତିରେ ଅନ୍ତରାଷ୍ଟ୍ରୀୟ ସୀମାରେ ପାକିସ୍ତାନ ରେଞ୍ଜର୍ସ କିଛି ନୂଆ ଋଣକୌଶଳ କରୁଥିବା ସୂଚନା ମିଳିଛି ।
ଗତ ସୋମବାର ଅନ୍ତରାଷ୍ଟ୍ରୀୟ ସୀମାରେ ପାକିସ୍ତାନର ଯେତିକି ସୈନ୍ୟ ମୁତୟନ ହୋଇଥିଲେ ଗତ ମଙ୍ଗଳବାର ତାହା ଦୁଇଗୁଣା ହୋଇଥିବା ଦେଖିବାକୁ ମିଳିଛି । ସ୍ଥାନୀୟ ଲୋକଙ୍କ କହିବା ଅନୁସାରେ ପାକିସ୍ତାନର ସୀମା ଆଖପାଖ ଅଞ୍ଚଳରେ କିଛି ବଡ ଗାଡି ମଟର ଯିବା ଆସିବା କରୁଥିବାର ଶବ୍ଦ ଶୁଣିବାକୁ ମିଳିଛି । ଅନ୍ୟପଟେ ଭାରତ ଉପରେ ଆତ୍ମଘାତୀ ହମଲା କରିବା ପାଇଁ ଆତଙ୍କୀ ମାନେ ପ୍ରସ୍ତୁତ ହୋଇଥିବା ବିଶେଷ ସୂତ୍ରରୁ ଖବର ପ୍ରକାଶ ପାଇଛି ।
ସୂଚନାମୁତାବକ ଏହି ଆତ୍ମଘାତୀ ଆତଙ୍କି ପାକିସ୍ତାନର ପେସାୱାର ଓ ମୁଜାଫରବାଦ ରେ ମହଜୁଦ ରହିଥିବା ସୂଚନା ମିଳିଛି । ସୂଚନାଯୋଗ୍ୟ ବର୍ତ୍ତମାନ ପାକିସ୍ତାନ ଭାରତ ସହିତ ସମସ୍ତ କୁଟନୈତିକ ସମ୍ପର୍କ ଛିନ୍ନ କରିଥିବା ବେଳେ ପାକିସ୍ତାନ ନିଜ ଆକାଶ ମାର୍ଗକୁ ମଧ୍ୟ ବନ୍ଦ କରିବା ପାଇଁ ବିଜ୍ଞପ୍ତି ପ୍ରକାଶ କରିଛି । ତେବେ ଏହାକୁ ନେଇ ଏୟାର ଇଣ୍ଡିଆ କହିଛି ଏହା କୌଣସି ପ୍ରଭାବ ପକାଇବ ନାହିଁ ।
