ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ମାଲେସିଆର ୮ମ ପ୍ରଧାନମନ୍ତ୍ରୀ ଭାବେ ଶପଥ ନେଇଛନ୍ତି ପୂର୍ବତନ ମନ୍ତ୍ରୀ ମୁହିଦ୍ଦିନ ୟାସିନ । ମିଡିଆ ରିପୋର୍ଟ ମୁତାବକ, ଫେବୃଆରୀ ୨୪ରେ ମହାତିର ମୋହମ୍ମଦ ଇସ୍ତଫା ଦେବା ପରେ ପ୍ରଧାନମନ୍ତ୍ରୀ ପଦରେ ମୁହିଦ୍ଦିନଙ୍କୁ ପ୍ରଧାନମନ୍ତ୍ରୀ କରାଯାଇଥିଲା । ୨୦୧୮ ମସିହାରୁ ସାଧାରଣ ନିର୍ବାଚନ ପରେ ମହାତିର ପ୍ରଧାନମନ୍ତ୍ରୀ ପଦରେ ଥିଲେ ।
ପାରମ୍ପରିକ ମଳୟ ପରିଧାନ କରି ମୁହିଦ୍ଦିନ ଶପଥ ଗ୍ରହଣ କରିଛନ୍ତି । ନେସନାଲ ପ୍ୟାଲେସରେ ମାଲେସିଆର ରାଜା ସୁଲତାନ ଅବଦୁଲା ସୁଲତାନ ଅହମଦ ଶାହଙ୍କ ସାମ୍ନାରେ ଦେଶ ଏବଂ ଜନତାଙ୍କ ସେବା କରିବାର ସଂକଳ୍ପ ନେଇଛନ୍ତି । ଏହି ସମାରୋହରେ ମୁହିଦ୍ଦିନଙ୍କ ରାଜନୈତିକ ସହଯୋଗୀମାନେ ଭାଗ ନେଇଛନ୍ତି ।
୭୨ ବର୍ଷିୟ ମୁହିଦ୍ଦିନ୍ ୨୦୦୯ ମସିହାରୁ ୨୦୧୫ ମସିହା ପର୍ଯ୍ୟନ୍ତ ପୂର୍ବତନ ପ୍ରଧାନମନ୍ତ୍ରୀ ନଜୀବ ରଜାକଙ୍କ ସରକାରରେ ଉପପ୍ରଧାନମନ୍ତ୍ରୀ ଭାବେ କାମ କରିଥିଲେ । ଏହାସହିତ ସେ ମହାତିରଙ୍କ ମନ୍ତ୍ରୀମଣ୍ଡଳରେ ଗୃହମନ୍ତ୍ରୀ ଭାବେ ମଧ୍ୟ କାମ କରିଥିଲେ ।
