ନୂଆଦିଲ୍ଲୀ (ଏଟିଆର ବ୍ୟୁରୋ): ଏପ୍ରିଲ ୨୯ରେ ବନ୍ଦ ହୋଇଯିବ ପବଜି ର ଲାଇଟ୍ ଭର୍ସନ । ପବଜି ଲାଇଟ୍ ଗେମ୍ କୁ ସେହି ମାନଙ୍କ ପାଇଁ ଲଞ୍ଚ କରାଯାଇଥିଲା । ଯେଉଁମାନଙ୍କ ନିକଟରେ କମ୍ ର୍ୟାମ ଏବଂ ଷ୍ଟୋରଜ ବିଶିଷ୍ଟ ଫୋନ୍ ଉପଲବ୍ଧ । ଏବେ ଗେମ୍ ପବ୍ଲିସର ତାଙ୍କର ଏକ ବୟାନରେ କହିଛନ୍ତି କି, ଏପ୍ରିଲ ୨୯ ରେ ସମ୍ପୂର୍ଣ୍ଣ ଭାବେ ପବଜି ଲାଇଟ୍ ସେବା ବନ୍ଦ କରିଦିଆଯିବ ଏବଂ ଏହାର ପ୍ଲେୟାର ସ୍ପୋର୍ଟ ପେଜ୍ କୁ ମଧ୍ୟ ମେ’ ୨୯ ରୁ ବନ୍ଦ କରିଦିଆଯିବ ।
ସେ ଆହୁରି ମଧ୍ୟ କହିଛନ୍ତି କି, ପବଜି ଲାଇଟ ଫ୍ୟାନ୍ସ ମାନଙ୍କଠାରୁ ଆମକୁ ଯେଉଁ ସହଯୋଗ ମିଳିଛି ସେଥିପାଇଁ ଆମେ କୃତଜ୍ଞ । ମହାମାରୀ କରୋନା ସମୟରେ ଫ୍ୟାନ୍ସମାନଙ୍କୁ ଗେମ୍ ଖେଳିବାର ସୁଯୋଗ ଦେଇଥିଲା ପବଜି ଲାଇଟ୍ । ଅନେକ ବିଚାର ବିମର୍ଶ ପରେ ଆମେ ଏହାକୁ ଏପ୍ରିଲ ୨୯ରେ ସମ୍ପୂର୍ଣ୍ଣ ବନ୍ଦ କରିବା ପାଇଁ ନିଷ୍ପତି ନେଇଛୁ ।
