ବେଜିଂ ( ଏଟଆର ବ୍ୟୁରୋ): କାଳ ହେଲା ଜନ୍ମଦିନ । ଜନ୍ମଦିନ ପାଳନ କରୁଥିବା ବେଳେ ଭୁଷୁଡି ପଡିଲା ରେଷ୍ଟୁରାଣ୍ଟ ଛାତ । ଏମିତି ଏକ ଅଭାବନୀୟ ଘଟଣା ଘଟିଛି ଚୀନର ଶକ୍ସି ଅଞ୍ଚଳରେ । ଖବର ମୁତାବକ ଚୀନ୍ ଜିୟାଙ୍ଗଫେନ କାଉଣ୍ଟି ଚେନଝୁଆଙ୍ଗ ସ୍ଥିତ ଜୁଜିୟାନ ରେଷ୍ଟୁରାଣ୍ଟରେ ଶନିବାର ସକାଳ ୯ଟା ୪୦ରେ ଜଣେ ବ୍ୟକ୍ତିଙ୍କ ଜନ୍ମଦିନ ପାର୍ଟି ଚାଲିଥିଲା ।
ସେଠାରେ ଜନ୍ମଦିନ ପାଳନ ଅବସରରେ ବହୁତ ଲୋକ ଉପସ୍ଥିତ ଥିଲେ । ଜନ୍ମଦିନ ପାଳନ ହେଉଥିବା ବ୍ୟକ୍ତି ଜଣଙ୍କ ସହିତ ତାଙ୍କର ପରିବାର ଓ ସମ୍ପର୍କୀୟ ମାନେ ଥିଲେ ।
ଏର୍ହି ସମୟରେ ଯେଉଁ ରେଷ୍ଟୁରାଣ୍ଟରେ ଜନ୍ମଦିନ ଉତ୍ସବ ପାଳନ କରାଯାଉଥିଲା ସେଠାରେ ହଠାତ ରେଷ୍ଟୁରାଣ୍ଟର ଛାତ ଭୁଷୁଡି ପଡିଥିଲା । ଫଳରେ ସେଠାରେ ଉପସ୍ଥିତ ଥିବା ଲୋକଙ୍କ ମଧ୍ୟରୁ ୨୯ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଆହୁରି ଅନେକ ଲୋକ ସେଠାରେ ଚାପି ହୋଇ ରହିଥିବା ବେଳେ ୨୧ ଜଣ ଗୁରୁତର ଆହତ ଅବସ୍ଥାରେ ଉଦ୍ଧାର ପାଇଛନ୍ତି ।
