ଇତ୍ସାଏଲ (ଏଟିଆର ବ୍ୟୁରୋ): ଦିନକୁ ଦିନ ଯେଉଁଭଳି ଭାବେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି ତାହାଏବେ ସମସ୍ତଙ୍କୁ ଚିନ୍ତାରେ ପକାଇଛି । ଏହାଉପରେ କାବୁ ପାଇବା ସହ ସଂକ୍ରମଣ ଯେପରି ନବ୍ୟାପିବ ସେଥିପାଇଁ ବିଭିନ୍ନ ଦେଶରେ ଲକଡାଉନ ଓ ସଟ ଡାଉନ ପ୍ରକ୍ରିୟା ଜାରି ରଖିଥିଲେ । ହେଲେ ଏବେ ଅନେକ ଦେଶ ଏହି ଲକଡାଉନ ଓ ସଟ ଡାଉନକୁ ନିଜ ଦେଶରୁ ହଟାଇ ଦେଇଥିବା ଫଳରେ ସଂକ୍ରମଣଙ୍କ ସଂଖ୍ୟା ହୁ ହୁ ହୋଇ ବଢିବାରେ ଲାଗିଛି ।
ଅନ୍ୟପଟେ ବଦ୍ଧିତ ସଂକ୍ରମଣଙ୍କ ସଂଖ୍ୟାକୁ କମାଇବା ପାଇଁ ଏବଂ ମହାମାରୀର ସଂକ୍ରମଣ ଯେପରି ନବ୍ୟପିବ ସେଥିପାଇଁ ଏବେ ଇତ୍ସାଏଲ ନିଜ ଦେଶରେ ପୁନରବାର ସଂପୂର୍ଣ୍ଣ ଲକଡାଉନ ଘୋଷଣା କରିଛି । ଦ୍ୱିତୀୟ ଥର ପାଇଁ ଇତ୍ସାଏଲ ପ୍ରଧାନମନ୍ତ୍ରୀ ଦେଶବ୍ୟାପି ଏହି ଲକଡାଉନ ଘୋଷଣା କରିଛନ୍ତି । ପ୍ରେସ କନଫରେନ୍ସ କରି ସେ କ୍ୟାବିନେଟର ଏହି ନିଷ୍ପତ୍ତି ସମ୍ପର୍କରେ ଦେଶବାସୀଙ୍କୁ ଜଣାଇଛନ୍ତି । ତିନି ସପ୍ତାହ ପାଇଁ ଲାଗୁ ହୋଇଥିବା ଏହି ଲକଡାଉନ ଅକ୍ଟୋବର ୯ ରେ ଶେଷ ହେବ ।
ବେଞ୍ଜାମିନ୍ ନେତାନ୍ୟାହୁ କହିଛନ୍ତି, “ମୁଁ ଜାଣେ ଏଥିପାଇଁ ଆମ ସମସ୍ତଙ୍କୁ ଭାରି ମୂଲ୍ୟ ଦେବାକୁ ପଡିବ। ଏଗୁଡିକ ଛୁଟିଦିନ ନୁହେଁ । ଆମେ ଆମ ପରିବାର ସହ ଉତ୍ସବ ପାଳନ କରିବା ସ୍ଥିତିରେ ନାହୁଁ । ” ସେ ଆହୁରି ମଧ୍ୟ ସ୍ପଷ୍ଟ କରିଛନ୍ତି ଯେ ଯଦି ସମସ୍ତ ଲୋକ ନିୟମ ପାଳନ କରନ୍ତି ତେବେ କରୋନା ଜୀବାଣୁ ପରାସ୍ତ ହେବେ । ଟିକା ଏବଂ ଦ୍ରୁତ ପରୀକ୍ଷା ପ୍ରକ୍ରିୟା ଉପରେ ତାଙ୍କ ସରକାର ଗୁରୁତ୍ୱ ଦେଉଛନ୍ତି ବୋଲି ସେ ତାଙ୍କ ଟେଲିଭିଜନ ଠିକଣାରେ ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ । ଦ୍ୱିତୀୟ ଥର ପାଇଁ କଡା ପ୍ରତିବନ୍ଧକ ଲାଗୁ କରିବାରେ ଇସ୍ରାଏଲ୍ ସାରା ବିଶ୍ୱର ପ୍ରଥମ ଦେଶ ହୋଇଛି ।
