ନୂଆଦିଲ୍ଲୀ (ଏଟିଆର ବ୍ୟୁରୋ): ସାଧାରଣ ଜନତା ସେଲିବ୍ରିଟିଙ୍କ ପ୍ରତି ଆକୃଷ୍ଟ ହେବା ଏହା ଏକ ସାଧାରଣ କଥା । ଖାଲି ଏତିକି ନୁହେଁ କିଛି ବ୍ୟକ୍ତି ଅଛନ୍ତି ଯେଉଁମାନେ ହିରୋ ଏବଂ ହିରୋଇନ ମାନଙ୍କ ପାଇଁ ପୂରା ପୂରି ପାଗଳ । ମାତ୍ର ଏବେ ଜଣେ ମହିଳା ବଲିଉଡ ହିରୋ ହ୍ରିତିକ୍ ରୋଶନଙ୍କ ପ୍ରତି ଆକୃଷ୍ଟ ଥିବାରୁ ତାଙ୍କୁ ତାଙ୍କ ପତିି ଛୁରୀ ଭୁଷି ହତ୍ୟା କରିଥିବାର ଅଭିଯୋଗ ହୋଇଛି । ଏଭଳି ଏକ ଘଟଣା ଆମେରିକାରେ ଦେଖିବାକୁ ମିଳିଛି । ଆମେରିକାରେ ରହୁଥିବା ଜଣେ ୩୩ ବର୍ଷିୟ ବ୍ୟକ୍ତି କତିଥ ଭାବେ ତାଙ୍କ ପତ୍ନୀଙ୍କୁ ଛୁରୀ ଭୁଷି ହତ୍ୟା କରିଛନ୍ତି । ତାଙ୍କ ପତ୍ନୀଙ୍କର କେବଳ ଏତିକି ଭୁଲ୍ ଥିଲା କି ସେ ବଲିଉଡ ହିରୋ ହ୍ରିତିକ୍ ରୋଶନଙ୍କ ପ୍ରତି ଆକୃଷ୍ଟ ଥିଲେ । ହତ୍ୟା କରିଥିବା ଅଭିଯୁକ୍ତ ବ୍ୟକ୍ତିଙ୍କ ନାଁ ହେଉଛି ଦିନେଶ୍ୱର ବୃଦ୍ଧିଦାତ ଏବଂ ତାଙ୍କ ପତ୍ନୀଙ୍କ ନାଁ ହେଉଛି ଡୋନେ ଡୋଜାୟ । ସେପଟେ ଦିନେଶ୍ୱର ତାଙ୍କ ପତ୍ନୀ ଡୋଜାୟଙ୍କୁ ହତ୍ୟା କରିବା ପରେ ନିଜେ ଗଛରେ ଫାସି ଲଗାଇ ଆତ୍ମହତ୍ୟା କରିଦଇଛନ୍ତି ।
ଡୋଜାୟଙ୍କ କିଛି ସାଙ୍ଗ ପୋଲିସ ସାମ୍ନାରେ ସେମାନଙ୍କ ବୟାନ ଦେଇଛନ୍ତି କି, ଦିନେଶ୍ୱର ତାଙ୍କ ପତ୍ନୀଙ୍କ ଉପରେ ସବୁବେଳେ ହିଂସାକରୁଥିଲେ କାରଣ ତାଙ୍କ ପତ୍ନୀ ହ୍ରିତିକ୍ ରୋଶନଙ୍କ ଜଣେ ବହୁତ ବଡ ଫ୍ୟାନ୍ ଥିଲେ । ସେଥିପାଇଁ ସେ ତାଙ୍କୁ ଛୁରୀ ଭୁଷି ହତ୍ୟା କରିଛନ୍ତି ।
ରିପୋର୍ଟ ମୁତାବକ, ଅଭିଯୁକ୍ତ ଦିନେଶ୍ୱର ତାଙ୍କ ପତ୍ନୀଙ୍କୁ ହତ୍ୟା କରି ସାରିବା ପରେ ଶାଳୀକୁ ଫୋନ୍ କରି କହିଥିଲେ କି ସେ ତାଙ୍କ ଭଉଣୀକୁ ମାରିଦେଇଛନ୍ତି ଏବଂ ଘରର ଚାବି ଫୁଲ ଦାନୀ ତଳେ ରଖା ହୋଇଛି । ଏହାପରେ ଦିନେଶ୍ୱର ଘର ପାଖରେ ଥିବା ପାର୍କକୁ ଯାଇ ସେଠାରେ ଏକ ଗଛରେ ରଶିରେ ଦଉଡି ଦେଇ ଆତ୍ମହତ୍ୟା କରିଥିଲେ ।
