ତେଲେଙ୍ଗାନା ( ଏଟିଆର ବ୍ୟୁରୋ): ତେଲେଙ୍ଗାନାରେ ଆଜି ସକାଳେ ପୋଲିସ ଡାକ୍ତର ପ୍ରିୟଙ୍କା ରେଡ୍ଡୀଙ୍କ ହତ୍ୟାକାରୀଙ୍କୁ ଏନକାଉଣ୍ଟର କରିଛନ୍ତି । ଯାହାକୁ ନେଇ ଏବେ ସାରା ଦେଶରେ ପୋଲିସର କାର୍ଯ୍ୟାନୁଷ୍ଠାନକୁ ନେଇ ଶୁଭେଚ୍ଛାର ସୁଅ ଛୁଟିଛି । ତେବେ ଆଜି ପୋଲିସ ଅଭିଯୁକ୍ତ ମାନଙ୍କୁ ଯେଉଁଠି ଏନକାଉଣ୍ଟର କରିଛି ସେଠାରେ ଆଜି ସକାଳୁ ସକାଳୁ ଜନ ସମାଗମ ଦେଖିବାକୁ ମିଳିଥିଲା ।
ଲୋକମାନେ ‘ପୋଲିସ ଜିନ୍ଦାବାଦ’ ନାରା ଲଗାଇବା ସହିତ ଓଭରବ୍ରିଜ ଉପରୁ ପୋଲିସ ଉପରକୁ ପୁଷ୍ପ ବୃଷ୍ଟି କରିଛନ୍ତି । ଏମିତିକି କେତେକ ସ୍ଥାନରେ ଲୋକମାନେ ବାଣ ଫୁଟାଇ ବାଜା ବଜାଇ ପୋଲିସକୁ ଶୁଭେଚ୍ଛା ଜଣାଉଛନ୍ତି । କେତେକ ସ୍ଥାନରେ ପୋଲିସକୁ ଲୋକମାନେ ମିଠା ଖୁଆଇ ରାକ୍ଷୀ ବାନ୍ଧିଥିବାର ଦେଖିବାକୁ ମିଳିଛି ।
