ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ଚିଫ୍ ଅଫ୍ ଷ୍ଟାଫ କମିଟି(ସିଓଏସସି) ର ଅଧ୍ୟକ୍ଷ ଦାୟିତ୍ୱ ନେଇଛନ୍ତି ସ୍ଥଳସେନା ପ୍ରମୁଖ ଜେନେରାଲ ବିପିନ ରାୱତ । ଏହି ପଦରେ ଥିବା ବାୟୁସେନା ପ୍ରମୁଖ ଏୟରଚିଫ୍ ମାର୍ସଲ ବିଏସ ଧନୋଆ ଙ୍କ ଠାରୁ ଏହି ଦାୟିତ୍ୱ ଗ୍ରହଣ କରିଛନ୍ତି ବିପିନ୍ । ସିଓଏସସି ର ତିନି ସେନାଧ୍ୟକ୍ଷଙ୍କ ମିଳିତ ଆନୁକୂଲ୍ୟରେ ଏହି କମିଟି ଗଠନ ହୋଇଛି ।
ତିନି ସେନାଧ୍ୟକରେ ଯିଏ ସବୁଠାରୁ ଅଧିକ ବରିଷ୍ଠ ହୋଇଥାନ୍ତି ତାଙ୍କୁ ଏଥିରେ ଅଧ୍ୟକ୍ଷ କରାଯାଇଥାଏ । ଚଳିତ ମାସ ୩୦ ତାରିଖରେ ବାୟୁସେନା ପ୍ରମୁଖ ବିଏସ ଧନୋଆ ଅବସର ନେବେ । ଏହାପରେ ବରିଷ୍ଠତା ତାଲିକାରେ ସ୍ଥଳସେନା ଅଧ୍ୟକ୍ଷ ଜେନେରାଲ ବିପିନ୍ ରାୱତଙ୍କ ସ୍ଥାନ ରହିଛି ।
ସୂଚନାଯୋଗ୍ୟ, ଏୟାର ଚିଫ୍ ମାର୍ଶଲ ବିଏସ ଧନୋଆ ମେ’ ମାସ ୨୯ ତାରିଖରେ ନୌସେନା ପ୍ରମୁଖ ଏଡମିରାଲ ସୁନୀଲ ଲାମ୍ବାଙ୍କ ଠାରୁ ସିଓଏସସି ଅଧ୍ୟକ୍ଷ ଭାର ଗ୍ରହଣ କରିଥିଲେ ।
