ବୁନ୍ଦୀ(ଏଟିଆର ବ୍ୟୁରୋ): ଓଲଟିଲା ବରଯାତ୍ରୀ ବସ । ଫଳରେ ବସରେ ଥିବା ୧୮ ଜଣ ବରଯାତ୍ରୀଙ୍କ ମୃତ ଘଟିଛି । ଏଭଳି ଏକ ଅଭାବନୀୟ ଘଟଣା ଘଟିଛି ରାଜସ୍ଥାନର ବୁନ୍ଦୀ ଜିଲ୍ଲାରେ । ସୂଚନା ଅନୁସାରେ କୋଟାର ଦାଦିବାଡିରୁ ଏକ ବିବାହରେ ଯୋଗ ଦେବାପାଇଁ ବସ ମାଧ୍ୟମରେ ସବାଇ ମାଧୋପୁର ଯାଉଥିଲେ । ବସଟି ପାପଡି ଗ୍ରାମ କୋଟାଲାଲସୋଟ ମେଗା ହାଇୱେରେ ଭାରସାମ୍ୟ ହରାଇ ମେଜ୍ ନଦୀରେ ଓଲଟି ପଡିଛି ।
ଘଟଣା ସ୍ଥଳରେ ଏନଡିଆରଏଫ ଟିମ ଓ ସ୍ଥାନୀୟ ଲୋକଙ୍କ ସାହାଯ୍ୟରେ ଉଦ୍ଧାର କାର୍ଯ୍ୟ ଜାରି ରହିଛି । ତେବେ ୧୨ ଜଣଙ୍କୁ ଆହତ ଅବସ୍ଥାରେ ମେଜ୍ ନଦୀରୁ ଉଦ୍ଧାର କରାଯାଇଛି । ସେହିପରି ନଦୀ ଭିତରୁ ୧୩ଟି ଶବ ଉଦ୍ଧାର କରାଯାଇଛି । ବସରେ ଫସି ରହିଥିବା ଅନ୍ୟ ଯାତ୍ରୀ ମାନଙ୍କୁ ଉଦ୍ଧାର କରିବା ପାଇଁ ପ୍ରୟାସ କରାଯାଉଛି । ତେବେ କେଉଁ ପରିସ୍ଥିତିରେ କିଭଳି ଭାବେ ଏହି ଦୁର୍ଘଟଣା ଘଟିଲା ତାହା ଜଣାପଡି ନାହିଁ । ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ଦେଖିବାକୁ ମିଳିଛି ।
