ମୁମ୍ବାଇ (ଏଟିଆର ବ୍ୟୁରୋ): ପୁଣି ଅମ୍ବାନୀ ହାଉସରେ ବାଜିବ ବାହାଘର ମହୁରୀ । ଝିଅ ଇଶାଙ୍କ ବାହାଘର ପରେ ମୁକେଶ ଅମ୍ବାନୀଙ୍କ ପରିବାର ଏବେ ପୁଅ ଆକାଶଙ୍କ ବାହାଘର ପ୍ରସ୍ତୁତିରେ ଲାଗି ପଡିଛନ୍ତି । ଆଗାମୀ ମାର୍ଚ୍ଚ ୯ ତାରିଖରେ ବିବାହ ବନ୍ଧନରେ ବାନ୍ଧି ହେବେ ଆକାଶ । ନିକଟରେ ଆକାଶ ଅମ୍ବାନୀଙ୍କ ୱେଡିଙ୍ଗ କାର୍ଡର ଗୋଟେ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।
https://www.instagram.com/shadigoals/p/Bt2hXJBDI7H/?utm_source=ig_share_sheet&igshid=1929sq8gja2a0
ଏହି କାର୍ଡକୁ ଦେଖି ସମସ୍ତଙ୍କର ଆଖି ଲାଖି ଯାଇଥିଲା । ଏହା ଏକ ମ୍ୟୁଜିକାଲ କାର୍ଡ । ଯାହାକୁ ଖୋଲିଲେ ଲାଇଟ୍ ବି ଜଳିଥାଏ । କାର୍ଡରେ ପ୍ରି –ୱେଡିଙ୍ଗ ଉତ୍ସବ ଠାରୁ ରିସେପସନ୍ ଯାଏଁ ସବୁକିଛି ଅଛି ।
ନିକଟରେ ମୁକେଶ ଅମ୍ବାନୀ ଏବଂ ପତ୍ନୀ ନୀତା ଅମ୍ବାନୀ ଦୁହେଁ ବାହାଘରର ପ୍ରଥମ କାର୍ଡ ସିଦ୍ଧିବିନାୟକ ମନ୍ଦିର ଯାଇଥିଲେ । ସେଠାରେ ଗଣପତିଙ୍କ ଚରଣରେ କାର୍ଡ ଚଢାଇ ପ୍ରଥମ ନିମନ୍ତ୍ରଣ କରାଯାଇଥିଲା । ଏବେ ଅମ୍ବାନୀ ପରିବାର ତାଙ୍କୁ ସମ୍ପର୍କୀୟରେ କାର୍ଡ ବାଣ୍ଟିବା ଆରମ୍ଭ କରିଦେଇଛନ୍ତି ।
ଆକାଶ ଏବଂ ଶ୍ଲୋକାଙ୍କ ବାହାଘର କାର୍ଡଟି ନିଆରା ଭାବେ ଡିଜାଇନ୍ କରାଯାଇଛି । କାର୍ଡଟି ସମ୍ପୂର୍ଣ୍ଣ ରାଧା ଏବଂ କୃଷ୍ଣଙ୍କ ଉପରେ ଆଧାରିତ । କାର୍ଡକୁ ଖୋଲିବା ମାତ୍ରେ ସେଥିରୁ ଭଜନ ଧ୍ୱନି ଶୁଣାଯାଉଛି ।
ଏହି କାର୍ଡରେ ଅତିଥିବୃନ୍ଦ ରାଧା ଏବଂ କୃଷ୍ଣଙ୍କ ସୁନ୍ଦର ପ୍ରତିଛବି ସହିତ ବାହାଘରର ସମସ୍ତ ତଥ୍ୟ ପାଇପାରିବେ । ଏହି କାର୍ଡର ସବୁଠାରୁ ଖାସ୍ ହେଉଛି ହସ୍ତଲେଖା ଫଣ୍ଟର ମେସେଜ୍ । ଇଶାଙ୍କ ବାହାଘର ଭଳି ଆକାଶଙ୍କ ସମସ୍ତ ରଶମ ଉପରେ ସାରା ଦେଶର ନଜର ରହିବ ।
ଖବରମୁତାବକ, ବ୍ୟବସାୟୀ ରଶେଲ ମେହତାଙ୍କ ଝିଅ ଶ୍ଲୋକା ମେହତାଙ୍କୁ ଆକାଶ ବାହାହେବେ । ଦୁହେଁ ପିଲାଦିନର ସାଙ୍ଗ ଥିଲେ । ଗତବର୍ଷ ଜୁଲାଇରେ ଦୁହିଁଙ୍କର ନିର୍ବନ୍ଧ ହୋଇଥିଲା ।
