ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ପ୍ରଥମ ଥର ସେଲ ପାଇଁ ରେଡମୀ ନୋଟ୍ ୧୦ ପ୍ରୋ ମ୍ୟାକ୍ସ ଉପଲବ୍ଧ ହୋଇଛି । ନିକଟରେ ଭାରତୀୟ ବଜାରରେ ଏହି ସ୍ମାର୍ଟଫୋନ୍ ରେଡମୀ ନୋଟ୍ ୧୦ ଏବଂ ରେଡମୀ ନୋଟ୍ ୧୦ ପ୍ରୋ ସହିତ ଲଞ୍ଚ କରାଯାଇଥିଲା । ଏହି ଦୁଇ ସ୍ମାର୍ଟଫୋନ୍ ପୂର୍ବରୁ ସେଲ୍ ପାଇଁ ଉପଲବ୍ଧ ହୋଇସାରିଛି । ସେହପରି ଆଜି ରେଡମୀ ନୋଟ୍ ୧୦ ପ୍ରୋ ମ୍ୟାକ୍ସର ସେଲ୍ । ଏହି ଫୋନ୍ ରେ ୧୦୮ ଏମପି ର ମେନ୍ କ୍ୟାମେରା ରହିଛି, ଯାହା ଗ୍ରାହକଙ୍କୁ ଫଟୋଗ୍ରାଫି ପାଇଁ ଏକ୍ସପିରିୟନ୍ସ ପ୍ରଦାନ କରିବ । ଏହାବ୍ୟତିତ ଫୋନ୍ ରେ ଭଲ ପ୍ରୋସେସର କ୍ଷମତା ଏବଂ ଦମଦାର ବ୍ୟାଟେରୀ ସୁବିଧା ଦିଆଯାଇଛି ।
ଏହି ଫୋନ୍ ର ୬ଜିବି ର୍ୟାମ ଏବଂ ୬୪ ଜିବି ଷ୍ଟୋରେଜ୍ ମଡେଲର ଦାମ ୧୮,୯୯୯ ଟଙ୍କା ରହିଥିବା ବେଳେ ୬ଜିବି ର୍ୟାମ ଏବଂ ୧୨୮ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ୍ ୧୯,୯୯୯ ଟଙ୍କା ରହିଛି । ସେହିପରି ୮ଜିବି ର୍ୟାମ ଏବଂ ୧୨୮ଜିବି ଷ୍ଟୋରେଜ୍ ଭ୍ୟାରିଏଣ୍ଟର ଦାମ ୨୧,୯୯୯ ଟଙ୍କା ରଖାଯାଇଛି । ଏହି ଫୋନ୍ କୁ ଡାର୍କ ନାଇଟ, ଗ୍ଲେସିୟଲ ବ୍ଲ୍ୟୁ ଏବଂ ଭିଂଟେଜ ବ୍ରୋଞ୍ଜ କଲରରେ ଉପଲବ୍ଧ କରାଯାଇଛି । ଏହି ଫୋନ୍ କୁ ଆପଣ ଏମଆଇ ଡଟ୍ କମ, ଆମାଜନ, ଏମଆଈ ହୋମ ଷ୍ଟୋରରୁ ଏବଂ ଅଫଲାଇନ୍ ଷ୍ଟୋରରୁ ମଧ୍ୟ ଆପଣ କିଣି ପାରିବେ ।
ସେହିପରି ଯଦି ଅଫର୍ କଥା କହିବା ତେବେ ଆମାଜନ ଏବଂ ଏମଆଇ ଡଟ୍ କମ ରୁ ଏହି ଫୋନ୍ କୁ କିଣିବା ଦ୍ୱାରା ୧୫୦୦ ଟଙ୍କା ରିହାତି ପାଇପାରିବେ । କିନ୍ତୁ ଏହି ରିହାତି କେବଳ ଆଇସିଆଇସିଆଇ ବ୍ୟାଙ୍କ କ୍ରେଡିଟ କାର୍ଡରେ ଇଏମଆଇ ଟ୍ରାଞ୍ଜାକ୍ସନ ସମୟରେ ଉପଲବ୍ଧ ।
