ମୁମ୍ବାଇ (ଏଟିଆର ବ୍ୟୁରୋ); ଦେଶରେ ଆରମ୍ଭ ହେଲା ପ୍ରଥମ ଆପଲ ଷ୍ଟୋର । ମଙ୍ଗଳବାର ମୁମ୍ବାଇ ବାନ୍ଦ୍ରା ସ୍ଥିତ କୁର୍ଲା କମ୍ପେ୍ଲକ୍ସରେ ସିଇଓ ଟିମ୍ କୁକ୍ ପ୍ରଥମ ଆପଲ ଷ୍ଟୋରର ଉଦଘାଟନ କରିଛନ୍ତି । ଆପଲ ଷ୍ଟୋର ଖୋଲିବା ସମୟରେ ଶତାଧିକ ଫ୍ୟାନ୍ସ ଉପସ୍ଥିତ ଥିଲେ ।
ଆପଲ ଷ୍ଟୋରର ଶୁଭାରମ୍ଭ ହେବା ପରେ କର୍ମଚାରୀମାନେ ସେଲିବ୍ରେସନ କରିଥିବା ବେଳେ ଆପଲ ଷ୍ଟୋରରେ ଗ୍ରାହକଙ୍କ ସ୍ୱାଗତ କରିବାକୁ ଆମେ ଅପେକ୍ଷାରତ ବୋଲି ଟ୍ୱିଟ ଯୋଗେ ସିଇଓ ଜଣାଇଛନ୍ତି ।
ଏହି ଷ୍ଟୋରରେ ୨୦ ଟି ଭାଷାରେ ଗ୍ରାହକଙ୍କୁ ସେବା ଯୋଗାଇ ଦିଆଯିବ । ଏଠାରେ ଲୋକଙ୍କ ପାଇଁ ଆଇଫୋନ ସହ ଆପଲର ଅନ୍ୟାନ୍ୟ ମଧ୍ୟ ଉପଲବ୍ଧ ରହିବ ।
