ନୂଆଦିଲ୍ଲୀ (ଏଟିଆର ବ୍ୟୁରୋ): ସ୍ମାର୍ଟଫୋନ କମ୍ପାନୀ ଭିଭୋର ସବ୍ ବ୍ରାଣ୍ଡ iQOO ର ନୂତନ ଫୋନ iQOO 9T ଖୁବ୍ ଶୀଘ୍ର ଲଞ୍ଚ ହେବ । ଏହାକୁ ଆମାଜନ ଇଣ୍ଡିଆ ଲିଷ୍ଟିଂ କରାଯାଇଛି । ଏହାସହିତ ଫୋନର ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ଯେଉଁଥିରେ ଫୋନର ବ୍ୟାକ ଏବଂ ଫ୍ରଣ୍ଟ ପ୍ୟାନେଲର ଡିଜାଇନ ଏବଂ କ୍ୟାମେରାର ଝଲକ ଦେଖିବାକୁ ମିଳୁଛି । ଫୋନଟି ତିନୋଟି କଲର ଭ୍ୟାରିଆଣ୍ଟ ବ୍ଲାକ, ବ୍ଲ୍ୟୁ ଏବଂ ରେଡ ରେ ଆସିପାରେ ।
ଏହି ଫୋନରେ ବିଏମଡବ୍ଲ୍ୟୁ ମୋଟରସ୍ପୋର୍ଟ ବିଶିଷ୍ଟ ଡିଜାଇନ ଦିଆଯାଇଛି । ଏଥିରେ ୬.୭୮ ଇଂଚର ଏଫଏଚଡି ପ୍ଲସ ଆମୋଲେଡ ଡିସପ୍ଲେ ରହିଛି । ଯାହାର ରିଫ୍ରେସ ରେଟ ୧୨୦ ହେଚଜେଡ୍ । ଏଥିରେ ୪୭୦୦ ଏମଏଏଚର ବ୍ୟାଟେରୀ ଏବଂ କ୍ୱାଲକମ ସ୍ନାପଡ୍ରାଗନ ୮ ପ୍ଲସ ଜେନ୍ ୧ ପ୍ରୋସେସର ରହିବ । ଏହାସହିତ ୧୨ ଜିବି ପର୍ଯ୍ୟନ୍ତ ର୍ୟାମ ଏବଂ ୨୫୬ଜିବି ପର୍ଯ୍ୟନ୍ତ ୟୁଏଫଏସ ୩.୧ ଷ୍ଟୋରେଜ ଦିଆଯିବ । ଏହାବ୍ୟତିତ ୫୦ଏମପିର ସ୍ୟାମସଙ୍ଗ ଜିଏନ୫ ଅଲ୍ଟ୍ରା କ୍ୟାମେରା ସହିତ ୨୦ଏକ୍ସ ଅପ୍ଟିକାଲ ଜୁମ୍ ସପୋର୍ଟ ରହିବ । ଏହାର ସ୍ୱତନ୍ତ୍ରତା ହେଉଛି କମ ଲାଇଟ ରେ ମଧ୍ୟ ଫଟୋ କ୍ଲିକ କରିପାରିବେ ।
