ନୂଆଦିଲ୍ଲୀ (ଏଟିଆର ବ୍ୟୁରୋ): ଓପୋ ତାର ନୂତନ ସ୍ମାର୍ଟଫୋନ ମାଲେଶିୟା ରେ ଲଞ୍ଚ କରିଛି । ଏହି ଫୋନକୁ ଓପୋ ଏ୭୬ ନାମରେ ଲଞ୍ଚ କରାଯାଇଛି । ଯେଉଁଥିରେ କ୍ୱାଲକମର ସ୍ନାପଡ୍ରାଗନ ୬୮୦ ପ୍ରୋସେସର ରହିଛି ଏବଂ ଏଥିରେ ୬ଜିବି ର୍ୟାମ ଦିଆଯାଇଛି । ଏହାସହିତ ଓପୋ ଏ୭ରେ ୬.୫୬ ଇଂଚର ଏଚଡି ପ୍ଲସ ଏଲସିଡି ଡିସପ୍ଲେ ଦିଆଯାଇଛି ଯାହାର ରିଫ୍ରେସ ରେଟ୍ ୯୦ଏଚଜେଡ୍ ।
କେବଳ ଗୋଟାଏ ଷ୍ଟୋରେଜ ଭ୍ୟାରିଆଣ୍ଟ ଜିବି ର୍ୟାମ ଏବଂ ୧୨୮ ଜିବି ଇଂଟରନାଲ ଷ୍ଟୋରେଜ ସହିତ ଏହି ଫୋନ ଲଞ୍ଚ କରାଯାଇଛି । ଏହାର ଦାମ୍ ୮୯୯ ମାଲେଶିୟାନ ରିଙ୍ଗଟ ଅର୍ଥାତ ୧୬ ହଜାର ଟଙ୍କା । ଏହି ଫୋନକୁ ଆପଣ ଓପୋର ମାଲେଶିୟା ସାଇଟ୍ ରୁ କିଣି ପାରିବେ । ଆଶା କରାଯାଉଛି କି ଖୁବ୍ ଶୀଘ୍ର ଭାରତରେ ମଧ୍ୟ ଏହି ଫୋନକୁ ଉପଲବ୍ଧ କରାଯିବ ।
