ନୂଆଦିଲ୍ଲୀ (ଏଟିଆର ବ୍ୟୁରୋ): ନିକଟରେ ରିଅଲମି ତାର ନୂତନ ବଜେଟ ସ୍ମାର୍ଟଫୋନ ରିଅଲମି ସି୨୫ୱାଇ ଲଞ୍ଚ କରିଛି । ଏହି ଫୋନକୁ ୫୦ ମେଗାପିକ୍ସଲ ମେନ୍ ରିୟର କ୍ୟାମେରା ସହିତ ଲଞ୍ଚ କରାଯାଇଛି ଏବଂ ଏଥିରେ ୫୦୦୦ଏମଏଏଚ ର ବ୍ୟାଟେରୀ ରହିଛି । କମ୍ପାନୀ ଆଜି ଏହି ଫୋନକୁ ପ୍ରଥମ ଥର ଭାରତରେ ବିକ୍ରି ପାଇଁ ଉପଲବ୍ଧ କରିଛି । ଫ୍ଲିପକାର୍ଟ, ରିଟେଲ ଷ୍ଟୋର୍ସ ଏବଂ ରିଅଲମି ସାଇଟରେ ଏହି ଫୋନର ବିକ୍ରିି ଆରମ୍ଭ ହୋଇଯାଇଛି ।
ଦାମ୍ କଥା ଯଦି କହିବା ତେବେ ରିଅଲମି ସି୨୫ୱାଇ ର ୪ଜିବି ର୍ୟାମ ଏବଂ ୬୪ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ୍ ୧୦,୯୯୯ ଟଙ୍କା ରଖାଯାଇଥିବା ବେଳେ ୪ଜିବି ର୍ୟାମ ଏବଂ ୧୨୮ ଜିବି ଇଂଟରନାଲ ଷ୍ଟୋରେଜ ଭ୍ୟାରିଏଣ୍ଟର ଦାମ୍ ୧୧,୯୯୯ ଟଙ୍କା ।
