ନୂଆଦିଲ୍ଲୀ (ଏଟିଆର ବ୍ୟୁରୋ): ସ୍ମାର୍ଟଫୋନ କମ୍ପାନୀ ସାଓମୀ ତାର ରେଡମୀ ବ୍ରାଣ୍ଡ ର ନୂତନ ବଜେଟ ସ୍ମାର୍ଟଫୋନ ରେଡମୀ ୧୦ ଲଞ୍ଚ କରିଛି । ଏହି ଫୋନର ଖାସ୍ କଥା ହେଉଛି ଏହାକୁ ୫୦ ମେଗାପିକ୍ସଲର ରିୟର ମେନ କ୍ୟାମେରା ସହିତ ଲଞ୍ଚ କରାଯାଇଛି । ଏହାକୁ ପ୍ରଥମେ ମାଲେସିୟାରେ ଲଞ୍ଚ କରାଯାଇଛି ।
ଏହି ଫୋନ୍ ର ଦାମ କଥା ଯଦି କହିବା ତେବେ ୪ଜିବି ର୍ୟାମ ଏବଂ ୬୪ଜିବି ଇଂଟରନାଲ ଷ୍ଟୋରେଜ୍ ବିଶିଷ୍ଟ ଭ୍ୟାରିଏଣ୍ଟର ଦାମ ୧୩,୩୦୦ ଟଙ୍କା ରଖାଯାଇଥିବା ବେଳେ ୪ଜିବି ର୍ୟାମ ଏବଂ ୧୨୮ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ ୧୪,୮୦୦ ରଖାଯାଇଛି । ସେହିପରି ୬ଜିବି ର୍ୟାମ ଏବଂ ୧୨୮ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ ୧୬,୩୦୦ ରହିଛି । ଏହି ଫୋନ୍ ର ତିନୋଟି କଲର ଅପ୍ସନ ରହିଛି ଯେପରିକି କାର୍ବନ ଗ୍ରେ,ପେଲ ହ୍ୱାଇଟ ଏବଂ ସି ବ୍ଲ୍ୟୁ କଲର । ଏହି ଫୋନ୍ ବହୁତ ଶୀଘ୍ର ଅନ୍ୟ ବଜାରରେ ମଧ୍ୟ ଲଞ୍ଚ ହେବ ବୋଲି ଅନୁମାନ କରାଯାଉଛି ।
