ନୂଆଦିଲ୍ଲୀ (ଏଟିଆର ବ୍ୟୁରୋ): ସାମସଙ୍ଗ କମ୍ପାନୀ ତାର ଏ ସିରିଜ୍ ର ନୂତନ ସ୍ମାର୍ଟଫୋନ ଗାଲାକ୍ସି ଏ୨୨ ୫ଜି କୁ ଲଞ୍ଚ କରିବା ପାଇଁ ଯୋଜନା ଚଳାଇଛି । ଏହାରି ମଧ୍ୟରେ ଏକ ରିପୋର୍ଟ ସାମ୍ନାକୁ ଆସିଛି କି, ଗାଲାକ୍ସି ଏ୨୨ ୫ଜି ର ସପୋର୍ଟ ପେଜ କମ୍ପାନୀର ଅଫିସିଆଲ ୱେବସାଇଟରେ ଲାଇଭ୍ ହୋଇଯାଇଛି । ଅବଶ୍ୟ, ସପୋର୍ଟ ପେଜରୁ ଡିଭାଇସର ମଡେଲ ନଂ ବ୍ୟତିତ ଅଧିକ କିଛି ସୂଚନା ମିଳିନାହିଁ ।
ମୋବାଇଲ ଇଣ୍ଡିଆର ରିପୋର୍ଟ ମୂତାବକ, ଅପକମିଂ ସାମସଙ୍ଗ ଗାଲାକ୍ସି ଏ୨୨ ୫ଜି ସ୍ମାର୍ଟଫୋନ ଏସଏମ-ଏ୨୨୬ବି/ଡିଏସ ମଡେଲ ନମ୍ବର ସହିତ ଲିଷ୍ଟ ହୋଇଛି । ଏହାଦ୍ୱାରା ଫୋନର ଫିଚର ବା ଦାମ୍ ନେଇ କୌଣସି ସୂଚନା ମିଳି ପାରିନାହିଁ । କିନ୍ତୁ ଏଥିରୁ ସ୍ପଷ୍ଟ ହୋଇଛି କି ଏହି ସ୍ମାର୍ଟଫୋନ ବହୁତ ଶୀଘ୍ର ଭାରତୀୟ ବଜାରରେ ଲଞ୍ଚ ହେବ ।
ଏପର୍ଯ୍ୟନ୍ତ କମ୍ପାନୀ ପକ୍ଷରୁ ସାମସଙ୍ଗ ଗାଲାକ୍ସି ଏ୨୨ ୫ଜି ର ଲଞ୍ଚ, ଦାମ୍ ବା ଫିଚର କୁ ନେଇ କୌଣସି ସୂଚନା ଦିଆଯାଇନାହିଁ । କିନ୍ତୁ ଲିକ୍ ରିପୋର୍ଟ ଅନୁଯାୟୀ, କମ୍ପାନୀ ତାର ଅପକମିଂ ସ୍ମାର୍ଟଫୋନକୁ ୧୫ ରୁ ୨୦ ହଜାର ଦାମରେ ଲଞ୍ଚ କରିପାରେ ।
