ନୂଆଦିଲ୍ଲୀ (ଏଟିଆର ବ୍ୟୁରୋ): ସ୍ମାର୍ଟଫୋନ କମ୍ପାନୀ ସାମସଙ୍ଗ ତାର ଗାଲାକ୍ସି ଏଫ୨୨ ସ୍ମାର୍ଟଫୋନକୁ ଭାରତୀୟ ବଜାରରେ ବିକ୍ରି ପାଇଁ ଉପଲବ୍ଧ କରିଛି । ସର୍ବପ୍ରଥମେ ଏହି ଫୋନକୁ ଅନଲାଇନ ସପିଙ୍ଗ ସାଇଟ ଫ୍ଲିପକାର୍ଟ ଜରିଆରେ କିଣିଯାଇ ପାରିବ । ଏହି ଫୋନ ୬୦୦୦ଏମଏଏଚ ର ଦମଦାର ବ୍ୟାଟେରୀ ଏବଂ ୪୮ଏମପି କ୍ୱାଡ ରିୟର କ୍ୟାମେରା ସେଟଅପ ସହିତ ବଜାରକୁ ଅଣାଯାଇଛି ।
ଫୋନର ୪ଜିବି ର୍ୟାମ ଏବଂ ୬୪ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ ୧୨,୪୯୯ ଟଙ୍କା ରଖା ଯାଇଥିବା ବେଳେ ୬ଜିବି ର୍ୟାମ ଏବଂ ୧୨୮ଜିବି ଇଂଟରନାଲ ଷ୍ଟୋରେଜ ବିଶିଷ୍ଟ ଭ୍ୟାରିଏଣ୍ଟର ଦାମ ୧୪,୪୯୯ ଟଙ୍କା ରଖାଯାଇଛି । ଏହି ଫୋନକୁ ଆପଣ ଦୁଇଟି କଲର ଅପ୍ସନ ତଥା ଡେନିମ ବ୍ଲ୍ୟୁ ଏବଂ ଡେନିମ ବ୍ଲାକରେ ଆପଣ କିଣି ପାରିବେ ।
