ଭୁବନେଶ୍ୱର ( ଏଟିଆର ବ୍ୟୁରୋ): ଭାରତରେ ଦିନକୁଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ତେବେ ଭାରତରେ ଏବେ କରୋନା ସଂକ୍ରମିତ ୫୦ ଛୁଇଁବାକୁ ବସିଲାଣି । ଆଜି ସକାଳର ସୂଚନା ଅନୁସାରେ ଭାରତରେ ଏବେ କରୋନା ସଂକ୍ରମିତଙ୍କ ସଂଖ୍ୟା ୪୯ହଜାର ୩୯୧ ରହିଛି ।
ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ସେହିଭଳି ସୁସ୍ଥ ହେବା କଥା ଯଦି ଦେଖିବା ଏଯାବତ ମୋଟ ୧୪,୧୮୩ ଜଣଙ୍କ ସୁସ୍ଥ ହୋଇ ସାରିଲେଣି ।
ଅନ୍ୟପଟେ ମୃତ୍ୟୁ ସଂଖ୍ୟା ଏବେ ୧୬୯୪କୁ ବୃଦ୍ଧି ପାଇଛି । ସେହିଭଳି ଗତ ୨୪ ଘଣ୍ଟାକୁ ଯଦି ଆମେ ନଜର ପକାଇବା ଗତ ୨୪ ଘଣ୍ଟା ମଧ୍ୟରେ ୨୯୮୫ ଟି ନୂଆ କେସ ସାମ୍ନାକୁ ଆସିଛି । ସାରା ଦେଶରେ ୧୨୬ ଜଣଙ୍କର ମୃତ୍ୟୁ ହୋଇଛି ।
ସେହିଭଳି ଆମ ରାଜ୍ୟ ଓଡିଶା କଥା ଯଦି ଆମେ ଦେଖିବା ଓଡିଶାରେ ଏବେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧୭୭କୁ ବୃଦ୍ଧି ପାଇଛି । ଆଜି ସକାଳେ ଗଞ୍ଜାମ ଜିଲ୍ଲାରୁ ଜଷର ପଜିଟିଭ ଚିହ୍ନଟ ହୋଇଛନ୍ତି । ସେହିଭଳି ଗତ ଏକ ମାସ ପରେ ଆଜି ଓଡିଶାରେ ଜଣେ କରୋନା ସଂକ୍ରମଣରେ ମୃତ୍ୟୁ ହୋଇଛି । କରୋନା ମୃତ୍ୟୁ ସଂଖ୍ୟା ରାଜ୍ୟରେ ଏବେ ୨ କୁ ବୃଦ୍ଧି ପାଇଛି । ୬୦ ଜଣ ସୁସ୍ଥ ହୋଇ ସାରିଲେଣି ।
