ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା ଭାଇରସରେ ଏବେ ମୃତ୍ୟୁ ସଂଖ୍ୟା ୬୦୦ ଟପିଲା । ଚୀନର ଗଣମାଧ୍ୟମର ସୂଚନା ଅନୁସାରେ ମୃତ୍ୟୁ ସଂଖ୍ୟା ଯେଉଁଭଳି ଭାବରେ ବୃଦ୍ଧି ହେବାରେ ଲାଗିଛି ଆଉ ମାତ୍ର କେଇଟା ଦିନ ମଧ୍ୟରେ ମୃତ୍ୟୁ ସଂଖ୍ୟା ୧ ହଜାର ଛୁଇଁ ଯାଇପାରେ । ସୂଚନା ଅନୁସାରେ ଗତକାଲି ଗୋଟିଏ ଦିନରେ ୭୩ ଜଣଙ୍କ ମୃତ୍ୟୁ ହୋଇଛି । କରୋନା ଭାଇରସ ମୃତ୍ୟୁ ସଂଖ୍ୟା ଏବେ ୬୩୮ ରେ ପହଞ୍ଚିଛି ।
କେବଳ ଚାଇନା ନୁହେଁ ଅନ୍ୟ ରାଷ୍ଟ୍ରରେ ମଧ୍ୟ ଏଇ ଭାଇରସ ତାର କାୟା ବିସ୍ତାର କରିବା ଆରମ୍ଭ କରିଦେଇଛି । ବର୍ତ୍ତମାନ ସୁଦ୍ଧା ଚୀନକୁ ଛାଡି ୩୦ ଟି ଅନ୍ୟ ରାଷ୍ଟ୍ରରେ କରୋନା ଭାଇରସ ଦେଖିବାକୁ ମିଳିଛି । ଅନ୍ୟପଟେ ଯେଉଁ ଚାଇନିଜ ଡାକ୍ତର ପ୍ରଥମେ କରୋନା ଭାଇରସ ନେଇ ସୂଚନା ଦେଇଥିଲେ ତାଙ୍କର ଆଜି ମୃତ୍ୟୁ ହୋଇଛି । ମୃତ ଡାକ୍ତରଙ୍କ ଘର ଭାଇରସ ଜନ୍ମ ନେଇଥିବା ଉହାନରେ ଥିଲା । ଏବେ ଚାଇନାର ଶିକ୍ଷାନୁଷ୍ଠାନ ଓ ବ୍ୟବସାୟିକ ପ୍ରତିଷ୍ଠାନ ଗୁଡିକ ବନ୍ଦ ରହିଛି ।
