ନୂଆଦିଲ୍ଲୀ (ଏଟିଆର): ଦେଶରେ ଜାରି ରହିଛି କରୋନା ପ୍ରକୋପ । ଦ୍ରୁତ ବେଗରେ ବଢି ଚାଲିଛି ଆକ୍ରାନ୍ତଙ୍କ ସଂଖ୍ୟା । ଏବେ ଦେଶରେ ଏକ ଲକ୍ଷ ପାର ହୋଇ ଗଲାଣି ଆକ୍ରାନ୍ତଙ୍କ ସଂଖ୍ୟା । ସେହିଅନୁଯାୟୀ ଗତ ୨୪ ଘଣ୍ଟା ମଧ୍ୟରେ ମହାରାଷ୍ଟ୍ର ପୋଲିସ ବିଭାଗରେ ୮୭ ନୂତନ ପଜିଟିଭ୍ କେସ୍ ଚିହ୍ନଟ ହୋଇଛି ।
ମହାରାଷ୍ଟ୍ର ପୋଲିସ ବିଭାଗରେ ଏପର୍ଯ୍ୟନ୍ତ ୧୭୫୮ ଜଣ ପୋଲିସକର୍ମୀ କରୋନାରେ ଆକ୍ରାନ୍ତ ହୋଇସାରିଲେଣି । ଏଥିରୁ ୧୮୩ ଜଣ ପୋଲିସ ଅଧିକାରୀ ରହିଥିବା ବେଳେ ୧୫୭୫ ପୋଲିସକର୍ମୀ ରହିଛନ୍ତି । ସେହିପରି ଏପର୍ଯ୍ୟ ୧୮ ଜଣ ପୋଲିସକର୍ମୀଙ୍କ ମୃତ୍ୟୁ ହୋଇ ସାରିଲାଣି । ଏହାସହିତ ଏହି ଭାଇରସରୁ ଏପର୍ଯ୍ୟନ୍ତ ୬୭୩ ଜଣ ପୋଲିସକର୍ମୀ ସୁସ୍ଥ ହୋଇ ସାରିଲେଣି ।
