ମୁମ୍ବାଇ (ଏଟିଆର ବ୍ୟୁରୋ ) ; ଗିରଫ ହେଲେ ଟିଭି ଅଭିନେତା ଏଜାଜ ଖାନ । ବେଆଇନ ନିଶାଦ୍ରବ୍ୟ ରଖିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ମୁମ୍ବାଇ ସ୍ଥିତ ବେକସୁର ହୋଟେଲରୁ ତାଙ୍କୁ ଆଜି ଅବକାରୀ ବିଭାଗ ଗିରଫ କରିଥିବା ଜଣାପଡିଛି । ତେବେ ସବୁଠୁ ବଡ କଥା ଯେ ତାଙ୍କ ପାଖରୁ ଅବକାରୀ ବିଭାଗ ୮ ଟି ଏକଷ୍ଟେସି ବଟିକା ଜବତ କରିଛି ।
ଏହି ଏକଷ୍ଟେସି ବଟିକା ଏକପ୍ରକାର ଭୟଙ୍କର ନିଶାଦ୍ରବ୍ୟ । ଯାହା ପ୍ରବଳରୁ ଅତିପ୍ରବଳ ନିଶା କରାଇବାରେ ସାହାର୍ଯ୍ୟ କରିଥାଏ । ଏହାକୁ ଖାଇବା ମାତ୍ରେ ମଣିଷ ନିଜକୁ ମଧ୍ୟ ଚିହ୍ନିବା ମୁସକିଲ ହୋଇପଡେ ବୋଲି ଜଣାପଡିଛି । ଏନେଇ ଆଜି ଏଜାଜ୍ ଖାନଙ୍କୁ ଆଜି କୋର୍ଟରେ ହାଜର କରାଯିବ । ବର୍ତ୍ତମାନ ନଭି ମୁମ୍ବାଇ ପୋଲିସ ଏଜାଜଙ୍କୁ ପଚରାଉଚରା ଚଳାଇଛି ।
ସୂଚନା ଯୋଗ୍ୟ ଯେ , ଏଜାଜ ନିଜକୁ ସବୁବେଳେ ବିବାଦରେ ରଖିବାକୁ ପସନ୍ଦ କରିଥାନ୍ତି । ସେ ପୂର୍ବରୁ ସୋସିଆଲ ମିଡିଆରେ ଅଶ୍ଳୀଳ ଫୋଟୋ ଛାଡିଥିଲେ । ଯାହାକୁ ନେଇ ତାଙ୍କ ନାମରେ ଅଭିଯୋଗ ହୋଇଥିଲା । ସେ ଅନେକ ବିବାଦୀୟ ପରିସ୍ଥିତି ମଧ୍ୟ ସୃଷ୍ଟି କରିସାରିଛନ୍ତି । ବିଗ ବସର ସିଜିନ -୮ ରେ ପ୍ରତିଯୋଗୀ ଭାବେ ଅଂଶ ଗ୍ରହଣ କରିଥିଲେ ଏଜାଜ । ସେପଟେ ନିଶାଦ୍ରବ୍ୟ ରଖିଥିବା ଅଭିଯୋଗକୁ ଏଜାଜ ଖଣ୍ଡନ କରିଛନ୍ତି । ସେ ସତ କହୁଥିବାରୁ ତାଙ୍କ ବିରୋଧରେ ଘଡଯନ୍ତ୍ର କରାଯାଇ ତାଙ୍କୁ ଫସାଯାଇଥିବା ସେ ଟ୍ୱିଟ କରି ଜଣାଇଛନ୍ତି ।
