ନୂଆଦିଲ୍ଲୀ (ଏଟିଆର ବ୍ୟୁରୋ): କରୋନା ପାଇଁ ଦେଶବ୍ୟାପି ଲକ୍ ଡାଉନ୍ ଘୋଷଣା କରାଯାଇଛି । ଇତିମଧ୍ୟରେ ଲୋକଙ୍କ ଦାବି ଅନୁଯାୟୀ ଆଜିଠାରୁ ଦୁରଦର୍ଶନ ଚ୍ୟାନେଲ ରେ ପ୍ରସିଦ୍ଧ ଧାରାବାହିକ ରାମାୟଣକୁ ପୁନଃ ପ୍ରସାରଣ କରାଯାଇଛି । ଆଜି ସକାଳ ୯ଟାରୁ ୧୦ ପର୍ଯ୍ୟନ୍ତ ଏହି ଧାରାବାହିକ ପ୍ରସାରିତ ହୋଇଥିବା ବେଳେ ରାତି ୯ଟାରୁ ୧୦ ଯାଏଁ ପୁଣି ପ୍ରସାରିତ ହେବ ।
ଆଜି ଏହି ଧାରାବାହିକ କୁ ଦେଖିବା ପାଇଁ ଲୋକେ ସେମାନଙ୍କ ପରିବାର ସହିତ ଟିଭି ସାମ୍ନାରେ ବସିଥିଲେ । ଏହି ଧାରାବାହିକର ଲୋକପ୍ରିୟତା ଏବେ ସୋସିଆଲ ମିଡିଆରେ ଟ୍ରେଣ୍ଡ କରୁଛି । ଲୋକେ ସେମାନଙ୍କ ପରିବାର ସହିତ ରାମାୟଣ ଦେଖୁଥିବାର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।
