ମୁମ୍ବାଇ (ଏଟିଆର ବ୍ୟୁରୋ): କରୋନା ମହାମାରୀ ପାଇଁ ଦେଶ ସ୍ଥିତି ଦିନକୁ ଦିନ ଅସ୍ଥିର ହେବାରେ ଲାଗିଛି । ତେବେ ଚଳିତବର୍ଷ ଆୟୋଜିତ ହେବାକୁ ଥିବା ଆଇପିଏଲ ମ୍ୟାଚ କରୋନା ପାଇଁ ଡେରିରେ ଆୟୋଜନ କରାଯାଉଛି । ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ଚଳିତ ବର୍ଷ ୧୯ ସେପ୍ଟେମ୍ବରରୁ ୧୦ ନଭେମ୍ବର ପର୍ୟ୍ୟନ୍ତ ଆଇପିଏଲ ଅନୁଷ୍ଠିତ ହେବ ।
୨୦୨୦ ଆଇପିଏଲ ପାଇଁ ଚଳିତ ବର୍ଷ ନୂଆ ଆୟୋଜକ ଘୋଷଣା କରାଯାଇଛି । ଭାରତ ଓ ଚୀନ ମଧ୍ୟରେ ସଂପର୍କ ଏବେ ଭଲ ନଥିବାରୁ ଭିଭୋକୁ ମୁଖ୍ୟ ଆୟୋଜକ ପଦରୁ ହଟାଇ ଦିଆଯାଇଛି । ଭିଭୋ ପରିବର୍ତ୍ତେ ଚଳିତ ବର୍ଷ ଡ୍ରିମ ୧୧କୁ ଆଇପିଏଲର ଟାଇଟଲ ପ୍ରାଯୋଜକ ଭାବେ ସ୍ଥିର କରାଯାଇଛି । ଡ୍ରିମ୍ ୧୧ ଆଇପିଏଲ୍ ୨୦୨୦ ସିଜିନ ପାଇଁ ପ୍ରାୟ ୨୫୦ କୋଟିରେ ପ୍ରାୟୋଜକ ଅଧିକାର କ୍ରୟ କରିଛି । ଅନ୍ୟପଟେ ଏହି ବିଡ ଭିଭୋର ବାର୍ଷିକ ୪୪୦ କୋଟି ଟଙ୍କା ଠାରୁ ୧୯୦ କୋଟି କମ ଅଟେ ।
ତେବେ ଟାଟା ଗ୍ରୁପ ମଧ୍ୟ ଟାଇଟଲ ପ୍ରାୟୋଜକ ଅଧିକାର ଦୌଡ଼ରେ ସାମିଲ ଥିଲା । ଏହାସହ ଆଇପିଏଲର ଟାଇଟଲ ପ୍ରଯୋଜକ ଦୌଡ଼ରେ ଅନଏକାଡେମୀ, ଟାଟା ଏବଂ ବାଇଜୁ ସାମିଲ ହୋଇଥିଲେ । ଅନଏକାଡେମୀ ୨୧୦ କୋଟିର ବିଡ ଦାଖଲ କରିଥିବା ବେଳେ ଟାଟା କମ୍ପାନୀ ପକ୍ଷରୁ ୧୮୦ କୋଟି ଟଙ୍କା ବିଡ ଦାଖଲ କରାଯାଇଥିଲା ଏବଂ ବାଇଜୁ ୧୨୫ କୋଟି ଟଙ୍କାର ବିଡ ଦାଖଲ କରିଥିଲା ।
