ଚେନ୍ନାଇ ( ଏଟିଆର ବ୍ୟୁରୋ): ମୃତ୍ୟୁ ଏମିତିବି ଆସିପାରେ । କିଏ ଜାଣିଥିଲା ଟିକିଏ ଖୁସୀ ଜୀବନ ନେଇଯିବ ବୋଲି । ଆଖି ପିଛୁଳାକେ ଚାଲି ଯିବ ୪ ଜଣ ଛାତ୍ରଙ୍କ ଜୀବନ । ରେଳ ଧାରଣାରେ ବସିଥିବା ବେଳେ ମାଡି ଯିବ ଟ୍ରେନ। ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ତାମିଲନାଡୁର କୋଇମ୍ବାଟୁରରେ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ କୋଇମ୍ବାଟୁର୍ ସୁଲୁର୍ ନିକଟବର୍ତ୍ତୀ ରାଓଥର ପଲାମ ରେଳ ଓଭର୍ବ୍ରିଜ୍ ଉପରେ ଚାରିଜଣ ଇଞ୍ଜିୟରିଙ୍ଗ୍ ଛାତ୍ର ବସିଥିବା ବେଳେ ତାଙ୍କ ଉପରେ ଟ୍ରେନ ମାଡି ଯାଇଛି ।
ତେବେ ଏନେଇ ପୋଲିସକୁ ସ୍ଥାନୀୟ ଲୋକେ ସୂଚନା ଦେବା ଫଳରେ ଘଟଣା ସ୍ଥଳରେ ପହଞ୍ଚି ଥିଲା ରେଳବାଇ ପୋଲିସ । ଧାରଣା ନିକଟରୁ ମଦ ବୋତଲ ଏବଂ ପ୍ଲାଷ୍ଟିକ୍ କପ୍ ପଡ଼ିଥିବାରୁ ମଦ ପିଇବାକୁ ଛାତ୍ରମାନେ ରେଳ ଧାରଣା ଉପରକୁ ଆସିଥିଲେ ବୋଲି ପୁଲିସ ସନ୍ଦେହ କରୁଛି । ମୃତ ଛାତ୍ର ୪ ଜଣ ହେଉଛନ୍ତି କୋଇମ୍ବାଟୁର୍ର ଏକ ଘରୋଇ ଇଞ୍ଜିନିୟରିଙ୍ଗ୍ କଲେଜର ଛାତ୍ର । ସେମାନଙ୍କ ଘର କୋଡ଼ାଇକାନାଲ୍, ତେନି ଏବଂ ବିରୁତୁନଗର ଜିଲ୍ଲାରେ ବୋଲି ଜଣା ପଡିଛି ।
