ନୂଆଦିଲ୍ଲୀ (ଏଟିଆର ବ୍ୟୁରୋ): ନିଜ ମସ୍ତିସ୍କ ଅସ୍ତ୍ରୋପଚାର କରିବା ପାଇଁ ଯାଇଥିବା ବେଳେ ଦେଶର ପୂର୍ବତନ ରାଷ୍ଟପତି ପ୍ରଣବ ମୁଖାର୍ଜୀ କରୋନା ପଜିଟିଭ ଚିନ୍ହଟ ହୋଇଥିଲେ । ତେବେ ତାଙ୍କ ସ୍ୱାସ୍ଥ୍ୟାବସ୍ଥା ।ରେ ଆଜି ଯାଏ କୌଣସି ପରିବର୍ତ୍ତନ ଆସିନାହିଁ । ତାଙ୍କ ଅବସ୍ଥା ସଙ୍କଟାପନ୍ନ ରହିଛି। ଡାକ୍ତର କହିଛନ୍ତି ସେ ଗଭୀର କୋମାରେ ଅଛନ୍ତି । ସେ ଭେଣ୍ଟିଲେଟର ସପୋର୍ଟରେ ଅଛନ୍ତି ।ଆର୍ମି ରିସର୍ଚ୍ଚ ଆଣ୍ଡ ରେଫରାଲ ହସ୍ପିଟାଲ ମେଡିକାଲ ବିଜ୍ଞପ୍ତି ଜାରି କରି କହିଛନ୍ତି ଯେ ପ୍ରଣବ ମୁଖାର୍ଜୀ ଗତ ୧୭ ଦିନ ହେଲା ହସ୍ପିଟାଲରେ ଭର୍ତ୍ତି ଅଛନ୍ତି ଏବଂ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ହସ୍ପିଟାଲ ଅଧିକାରୀ କହିଛନ୍ତି ଯେ ପ୍ରଣବ ମୁଖାର୍ଜୀଙ୍କ ଫୁସଫୁସରେ ସଂକ୍ରମଣ ବଢିଛି । ସେଥିପାଇଁ ତାଙ୍କର ଚିକିତ୍ସା କରାଯାଉଛି । ମଙ୍ଗଳବାର ଠାରୁ ତାଙ୍କ କିଡନୀର ସ୍ଥିତି ମଧ୍ୟ ଭଲ ନଥିଲା କଥା ଡାକ୍ତର କହିଛନ୍ତି । ତାଙ୍କ ହୃଦୟ ସଠିକ ଭାବେ କାମ କରୁଛି ଏବଂ ଶରୀରରେ ରକ୍ତ ସଞ୍ଚାଳନ ମଧ୍ୟ ସାମାନ୍ୟ ରହିଛି କିନ୍ତୁ ସେ ଏବେ ଗୁରୁତର ଅବସ୍ଥାରେ ଅଛନ୍ତି । କିଛି ଦିନ ପୂର୍ବରୁ ତାଙ୍କ ଝିଅ ପିତାଙ୍କ ସ୍ୱାସ୍ଥ୍ୟାବସ୍ଥା ଉପରେ ଟ୍ୱିଟ କରି ଜଣାଇଥିଲେ ଓ ତାଙ୍କର ସ୍ୱାସ୍ଥ୍ୟରେ ସୁଧାର ଆଣିବା ପାଇଁ ଇଶ୍ୱରଙ୍କ ପାଖରେ ପ୍ରାର୍ଥନା କରିବାକୁ କହିଥିଲେ ।
