ନୂଆଦିଲ୍ଲୀ (ଏଟିଆର ବ୍ୟୁରୋ): ମୋବାଇଲ ଗେମ୍ ପବଜୀର ରିଲଞ୍ଚ ହେବା ପୂର୍ବରୁ ଭାରତର ଦେଶୀ ଗେମିଭ୍ଗ ଆପ୍ FAU-G ବହୁତ ଶୀଘ୍ର ଲଞ୍ଚ ହେବାକୁ ଯାଉଛି । ଏବେ ଗୁଗଲ ପ୍ଲେଷ୍ଟୋରରେ ଏହି ଗେମ୍ କୁ ଲିଷ୍ଟ କରାଯାଇଛି । ବର୍ତ୍ତମାନ ଆଣ୍ଡ୍ରୋଏଡ ୟୁଜର୍ସଙ୍କ ପାଇଁ ଏଡି ଗେମ ପ୍ରସ୍ତୁତ କରାଯାଇଛି । ସେଥିପାଇଁ ଗେମ୍ ର ପ୍ରି-ରେଜିଷ୍ଟ୍ରେସନ ଆପ ଗୁଗଲ ପ୍ଲେ-ଷ୍ଟୋରରେ ଅଛି । କିନ୍ତୁ ଆଇଓଏସ ୟୁଜର୍ସଙ୍କୁ ଏହି ଗେମ୍ ପାଇଁ ଟିକେ ଅପେକ୍ଷା କରିବାକୁ ହେବ ।
ଏହି ଗେମ୍ ଖେଳିବା ପାଇଁ ପ୍ରି-ରେଜିଷ୍ଟ୍ରେସନ ଆରମ୍ଭ କରିଦିଆଯାଇଛି । ପ୍ରି-ରେଜିଷ୍ଟ୍ରେସନ ପାଇଁ ଆପଣଙ୍କୁ ସର୍ବପ୍ରଥମେ ଗୁଗଲ ପ୍ଲେ ଷ୍ଟୋରରେ FAU-G ସର୍ଚ୍ଚ କରିବାକୁ ହେବ । ଯଦି ଆପଣଙ୍କ ଫୋନ ଗେମ୍ ପାଇଁ ସୁସଙ୍ଗତ ହେବ ତେବେ ଆପଣଙ୍କୁ ପ୍ରି-ରେଜିଷ୍ଟ୍ରେସନର ବଟନ ସୋ କରିବ । ପ୍ରି-ରେଜିଷ୍ଟ୍ରେସନ ପାଇଁ ଆପଣଙ୍କୁ ଗ୍ରୀନ ବଟନ କ୍ଲିକ କରିବାକୁ ହେବ ।
ଏହି ଗେମ୍ ର ପୁରା ନାମ ହେଉଛି ଫିଅରଲେସ ଆଣ୍ଡ ୟୁନାଇଟେଡ ଗାର୍ଡସ । ଏହି ଗେମ୍ ର ବ୍ରାଣ୍ଡ ଆମ୍ବାସାଡାର ହେଉଛନ୍ତି ବଲିଉଡ ଅଭିନେତା ଅକ୍ଷୟ କୁମାର । ପବଜୀବୁ ମୁକାବିଲା କରିବା ଲାଗି ଭାରତରେ ଏହି ଫୌଜ ଗେମ ଲଞ୍ଚ କରାଯାଉଛି ।
