ନୂଆଦିଲ୍ଲୀ(ଏଟିଆର ବ୍ୟୁରୋ): ଆଜି ବଢିଛି ସୁନା ଦାମ । ଯାହାର କାରଣ ହେଉଛି ଦେଶର ଅର୍ଥନୈତିକ ଅବସ୍ଥାରେ ଅସ୍ଥିରତା । ସୁନା ଓ ରୂପା ଦାମ ଗତ ଦୁଇ ଦିନ ହେଲା କମି ଥିଲା କିନ୍ତୁ ଶୁକ୍ରବାର ଦିନ ଥମି ଯାଇଛି । ଶୁକ୍ରବାର ଦିନ ସାରା ଦେଶରେ ୨୪ କ୍ୟାରେଟ ସୁନା ମୂଲ୍ୟ ୫୧ ହଜାରରୁ ବୃଦ୍ଧି ପାଇଛି କିନ୍ତୁ ରୂପା ମୂଲ୍ୟ ବୃଦ୍ଧି ପାଇନାହିଁ । ଗୁରୁବାର ତୁଳନାରେ ଶୁକ୍ରବାର ଦିନ ସୁନା ୧୦ ଗ୍ରାମ ପ୍ରତି ୧୬୫ ଟଙ୍କା ମହଙ୍ଗା ହୋଇ ୫୧ ହଜାର ୯୨ ଟଙ୍କାରେ ପହଞ୍ଚିଛି । ରୂପା କିଲୋ ପ୍ରତି ୮୫୯ ଟଙ୍କା ହୋଇ ୬୩ ହଜାର ୫୩୪ ଟଙ୍କା ହୋଇଛି । ଇଣ୍ଡିଆନ ବୁଲିୟନ ଆଣ୍ଡ ଜ୍ୱେଲର୍ସ ଆସୋସିଏସନର ୱେବସାଇଟ ((ibjarates.com)) ଅନୁସାରେ, ସେପ୍ଟେମ୍ବର ୪ ତାରିଖରେ ସାରା ଦେଶରେ ସୁନା ଓ ରୂପା ଦାମକୁ ଦର୍ଶା ଯାଇଛି । ଇଣ୍ଡିଆନ ବୁଲିୟନ ଆଣ୍ଡ ଜ୍ୱେଲର୍ସ ଆସୋସିଏସନ ଦିଲ୍ଲୀର ମିଡ଼ିଆ ପ୍ରଭାରୀ ରାଜେଶ ଖୋସଲା କହିଛନ୍ତି ଯେ, IBJA ଦେଶର ୧୪ କେନ୍ଦ୍ରରୁ ସୁନା ରୂପାର କରେଣ୍ଟ ମୂଲ୍ୟ ଅନୁସାରେ ହାରାହାରି ମୂଲ୍ୟ ଦର୍ଶାଇଥାଏ । ସେ କହିଛନ୍ତି ସୁନା ମୂଲ୍ୟ ସବୁ ସ୍ଥାନରେ ସମାନ ରହିବ ଓ ରୂପାର ମୂଲ୍ୟ କିଛି ସ୍ଥାନରେ ପରିବର୍ତ୍ତିତ ରହିବ ।
