ନୂଆଦିଲ୍ଲୀ (ଏଟିଆର ବ୍ୟୁରୋ): କର୍ଣ୍ଣାଟକ ହିଜାବ ମାମଲାର ଶୁଣାଣି କରିବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି। କର୍ଣ୍ଣାଟକ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ପିଟିସନ ଦାଖଲ କରିଥିବା ଛାତ୍ରୀମାନଙ୍କ ପକ୍ଷରୁ ବରିଷ୍ଠ ଓକିଲ ଦେବଦତ୍ତ କାମତ କହିଛନ୍ତି ଯେ, ହାଇକୋର୍ଟଙ୍କ ଆଦେଶ ହେତୁ ପରୀକ୍ଷାରେ ସମସ୍ୟା ଦେଖାଦେଇଛି। ସେପଟେ ପ୍ରଧାନ ବିଚାରପତି କହିଛନ୍ତି ଯେ ଏହି ମାମଲାର ପରୀକ୍ଷା ସହିତ କୌଣସି ସମ୍ପର୍କ ନାହିଁ।
ହିଜାବ ପିନ୍ଧିବାକୁ ଅନୁମତି ଦେବାକୁ ଛାତ୍ରୀଙ୍କ ଆବେଦନକୁ କର୍ଣ୍ଣାଟକ ହାଇକୋର୍ଟ ପ୍ରତ୍ୟାଖ୍ୟାନ କରିବା ପରେ ଅନେକ ମୁସଲମାନ ଛାତ୍ରୀ ପରୀକ୍ଷାରେ ସାମିଲ ହେବାକୁ ମନା କରିଦେଇଥିଲେ।
ଏହା ଉପରେ କର୍ଣ୍ଣାଟକ ପ୍ରାଥମିକ ଓ ମାଧ୍ୟମିକ ଶିକ୍ଷା ମନ୍ତ୍ରୀ ବିସି ନାଗେଶ କହିଥିଲେ କି, ଯେଉଁ ଛାତ୍ରୀମାନେ ପରୀକ୍ଷାରେ ଯୋଗ ନଦେବେ ସେମାନଙ୍କ ପାଇଁ ପୁର୍ନାବର ପରୀକ୍ଷା କରାଯିବ ନାହିଁ।
ନାଗେଶ କହିଛନ୍ତି, ‘କୋର୍ଟ ଯାହା କହିଛନ୍ତି ତାହା ଆମେ ପାଳନ କରିବୁ। ପରୀକ୍ଷାରେ ଅନୁପସ୍ଥିତି ମୁଖ୍ୟ କାରଣ ହେବ, ଏହାର କାରଣ ନୁହେଁ, ଏହା ହିଜାବ ବିବାଦ, ଅସୁସ୍ଥତା, ପରୀକ୍ଷାରେ ଉପସ୍ଥିତ ନହେବା କିମ୍ବା ପରୀକ୍ଷାରେ ପୂର୍ଣ୍ଣ ପ୍ରସ୍ତୁତ ନହେବା କାରଣରୁ । ଅନ୍ତିମ ପରୀକ୍ଷାରେ ଅନୁପସ୍ଥିତିର ଅର୍ଥ ହେଉଛି ଅନୁପସ୍ଥିତି ଏବଂ କୌଣସି ପୁନଃ ପରୀକ୍ଷା କରାଯିବ ନାହିଁ ।
