ଭୁବନେଶ୍ୱର (ଏଟିଆର ବ୍ୟୁରୋ): ଆଜି ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଦ୍ୱିତୀୟ ଆର୍ନ୍ତଜାତୀୟ ଟି-୨୦ ମ୍ୟାଚ ଖେଳ ହେବାକୁ ଯାଉଛି । ଏହି ମ୍ୟାଚଟି ଥିରୁବନନ୍ତପୁରମରେ ଖେଳାଯିବ । ପ୍ରଥମ ମ୍ୟାଚରେ ଭାରତ ବମଦାର ବିଜୟୀ କରିଥିଲା । ୱେଷ୍ଟଇଣ୍ଟିଜ ୫ଟି ୱିକେଟ ହରାଇ ୨୦୭ରନ ହାସଲ କରିଥିବା ବେଳେ ଭାରତ ୮ଟି ବଲ ବାକି ଥାଇ ୪ଟି ୱିକେଟ ବିନିମୟରେ ୨୦୯ରନ କରି ମ୍ୟାଚଟିକୁ ନିଜ ନା’ରେ କରି ନେଇଥିଲା ।
ପ୍ରଥମ ମ୍ୟାଚଟିରେ ଭାରତ ଦମଦାର ପ୍ରଦର୍ଶନ କରିଥିବା ବେଳେ ଦ୍ୱିତୀୟ ମ୍ୟାଚରେ ମଧ୍ୟ ଭାରତ ଜବରଦସ୍ଥ ପ୍ରଦର୍ଶନ କରିବ ବୋଲି ପ୍ରଶସଂକମାନେ ଆଶା ରଖିଛନ୍ତି । ଭାରତ ମାଟିରେ ଟି-୨୦ରେ ୧ ହଜାର ରନ ପୁରା କରିବାରେ ବିରାଟ କୋହଲି ପ୍ରଥମ ବ୍ୟାଟ୍ସମ୍ୟାନ ହେବାର ସୌଭାଗ୍ୟ ହାସଲ କରିବେ । କାରଣ ଶୁକ୍ରବାର ଖେଳାଯାଇଥିବା ଭାରତ ଓ ୱେଷ୍ଟଇଣ୍ଡିଜ ଅର୍ନ୍ତଜାତୀୟ ଟି-୨୦ ମ୍ୟାଚରେ ଭାରତ ମାଟିରେ ୯୭୫ ରନ ସଂଗ୍ରହ କରିଛନ୍ତି । ଆଉ ମାତ୍ର ୨୫ରନ ପୂର୍ଣ୍ଣ କଲେ ଇତିହାସ ରଚିବେ ବିରାଟ କୋହଲି ।
