ଜାମ୍ମୁକାଶ୍ମୀର (ଏଟିଆର ବ୍ୟୁରୋ): ଭାରତର ଚାରିପଟେ ଶତ୍ରୁ ଲାଗି ରହିଥିବା ସହ ବାହ୍ୟ ଶତ୍ରୃ ମଧ୍ୟ ଆକ୍ରମଣ କରିଥାନ୍ତି । ତେବେ ଆତଙ୍କବାଦୀମାନେ ସବୁବେଳେ ଜାମ୍ମୁକାଶ୍ମୀରରେ ଉପରେ ନିଜର ଖରାପ ଦୃଷ୍ଟି ରଖିବା ସହ ଏହା ଉପରେ ମଧ୍ୟ ଆକ୍ରମଣ କରିଥାନ୍ତି । ତେବେ ଗତକାଲି ଜାମ୍ମୁକାଶ୍ମୀର ବାରାମୁଲ୍ଲାରେ ଆତଙ୍କବାଦୀମାନେ ଆକ୍ରମଣ କରିଥିବା ଖବର ସାମ୍ନାକୁ ଆସିଛି । ଆତଙ୍କବାଦୀମାନେ ବାରାମୁଲ୍ଲା ଜିଲ୍ଲାର କେରି ଅଞ୍ଚଳରେ ଉଜଚୠ ଏବଂ ପୋଲିସର ମିଳିତ ଟିମ ଉପରେ ଅତର୍କିତ ଆକ୍ରମଣ କରିଥିବା ଜଣାପଡିଛି ।
ତେବେ ଆତଙ୍କବାଦୀଙ୍କର ଅଚାନକ ଆକ୍ରମଣ ଫଳରେ ପୋଲିସର ଜଣେ ଏସପିଓ ଅଧିକାରୀ ଏବଂ ଦୁଇ ଜଣ ସିଆରପିଏଫ ଯବାନ ସହୀଦ ହୋଇଥିବା ସୂଚନା ମିଳିଛି । ଏନେଇ ଜାମ୍ମୁକାଶ୍ମୀର ପୋଲିସ୍ ଇନ୍ସପେକ୍ଟର ଜେନେରାଲ୍ ବିଜୟ କୁମାର ସୂଚନା ଦେଇଛନ୍ତି । ଅନ୍ୟପଟେ ଆତଙ୍କବାଦୀଙ୍କ ଅଚାନକ ଆକ୍ରମଣକୁ ସେନା ପକ୍ଷରୁ ତୁରନ୍ତ ଜବାବ ଦିଆଯିବା ସହ ଆତଙ୍କବାଦୀଙ୍କ ଧରିବା ପାଇଁ ଉକ୍ତ ଅଞ୍ଚଳକୁ ସେନା ପକ୍ଷରୁ ସିଲ କରି ଦିଆଯାଇଛି ।
